الشاعر راشد بن جعيثن
 

ان جيت قلنا لك ياعشيري هلا
وان رحت تلقالك وأنا القا بديل

اظنيتني بالهجر بعـد الوفـاء
مال الزعل منك علينـا دليـل

وصلك لمن حبك نعيـم ودواء
لا تبخل بوصل يداوي عليـل

اشقيت عينـي ياظبـي الفـلا
حقي من العشرة عنا يا جميل

يشهد علـي الله وكـل المـلأ
ويشهد علي النجم وليل طويـل

إني بحبك ذقـت مـر العنـا
وقربك لطرد الهمّ عني كفيـل

لاتشقي عيوني ياروحي كفـى
مالي على وصلك وشوفك سبيل

ان كان قلبك عن غرامي سلا
ما أظن قلبي عن غرامك يميل

ياريم قربك لي وشوفك منـى
اصل الغلا لك بالهوى يا أصيل

يا عاذلي قلبي مع اللي هـوى
اموت لي سلهم بطرف كحيـل