يا فهد هات القلم يا فهد هات الكتاب = ودي اكتب ما طرى و العلوم ابحلها
الرعود اتحن و البرق بطراف السحاب = و المطر يمحى الدهر و الكبود ايبلها
علم عيال العوازم بمضمون الخطاب = قلها لمناور الصوت الاول قلها
يوم بن جامع تكلم ذكر خالد ذياب = و الارادة قال بكره نبا نحتلها
من قبض ولا نقض عهد جعله لذهاب = الرخوم ارخوم والله هو اللي ذلها
الردايا فوق مركب ذهاب ابلا اياب = هفت مقيط ورشاته عساه و علها
النعامه راسها تدفنه تحت التراب =و الحرار اعلى القمم بالهمم توصلها
ما يعمر البيت لا صار سيسانه خراب = بارك الله في بيوتٍ يظلل ظلها
الملوك الشيخنا يحسبون امية حساب = فصل الدعوه لنا دقها من جلها
من معه عقل و بصيره مشى درب الصواب = المواقف ثابته و الدروب اندلها
عزوتي يا الاد عازم عزيزين الجناب = صوتوا لمناور ذياب و اهو كفوٍ لها
يا مناور لك علينا نهار الانتخاب = فزعةٍ تسمع صداها العرب و تجلها
ما نسينا خالد ذياب لو شاب الغراب = خل هافين الذمم بالف لعنه خلها
كلنا بالضيق خالد نقا شيب و شباب = العيون ام الحسد بالخلال انخلها
بيض الله وجه خالد نقا سمح الجناب = ما يقول الكلمه الا و هو قدٍ لها
من هل الطولات و العز و حماة الركاب = الرجال اللي كبار الامور تحلها
بالفخر و الطيب و المرجله ودى و جاب = الحمول الكايده فوق متنه شلها
البطل نسل البطل لا يذل و لا يهاب = السيوف بحزة الضيق قام و سلها
( قص راس الحيه ام الفتن ) و الشر غاب = صيرميٍ صارم الراي ساعة تلها
الشجاع اللي فتل شاربه وقت الصعاب = قوم الدنيا على ساق وحده كلها
قال لعيون القبيلة ولو راحت ارقاب = الصعايب و المصايب تجي ما ملها
عازميٍ صامل العزم فكاك النشاب = دق رمحه في نحور الخصوم و غلها
والله ان ما نسيناه لو طال الغياب = ننتظر عودته و نقول هذا حلها
باذن ربٍ ما قفل دون من يدعيه باب = الفرج قرب و كل العرب نرسلها
بشروا من تحسب الوقت بهموم و عذاب = بشروا عينٍ عليه الدموع اتهلها
عيد ثالث شوفته في جديدات الثياب = قلتها و اللي يعقد الحبال ايحلها