ما دامت ايام الحزن وانت ما دمت
لو طال لليل الحزن والورق ناحت
شفني على كثر القسى ما تكلمت
لو ان نفسي امن الهموم استباحت
وان ضاق درب البعد قدمه تبسمت
اصبر ولو اهموم فرقاك صاحت
وش عاد يبقي فـ الزمن ماتعلمت
اعز خلق الله من العين طاحت
هذا وانا في عشرتك ما تندمت
ودله فراقك من قسى الوقت فاحت
كلفت تجريح الليالي على الصمت
حتى بروق البعد فالجو لاحت
ابشرك ريحت نفسي وسلمت
وكل الهموم الموجعات استراحت
صحيح من كثرت همومك تألمت
لكن همومك جات فتره وراحت