[صلاح البريكي]

يا الله أنك تستر اللي بالضماير = والعلوم اللي عواقبها وخيمه
أتبشر وانت جلّاب البشاير = واجتنب هم الشياطين الرجيمه
كل ما دارت على الراس الدواير = قلت وينك يا ( الدروب المستقيمه )
يا الرجال اللي تٍحسبون الخساير = ( الكرم ) ( والعز ) .. جعل الله يديمه
ليت بعض الناس ما باح السراير = ولا شكى هم الجديده والقديمه
واحدٍ لا قال مدري كيف صاير ؟ = يشتكي .. ويعيش في عيشه كريمه
ما بقى له شي ويهل العباير = يا عسى يسلم وعينينه سليمه
والله اني في مثل شرواه حاير = لا شعور ولا مراد ولا عزيمه