[ناصر بن روق]

بسم الله والحمد لله والصلاة والسلام على رسول الله ,, وبعد : -

صدر كتاب عن قبيلة العوازم سنة 1971 للعلامه : عبدالرحمن العبيد - رحمه الله - , وقد وضع فصلا جميلا في نهاية كتابه بعنوان ( نماذج من الشعر النبطي الذي ييتناقله العوازم عن أسلافهم ) .

وقد لفت نظري أنه أورد قصيدتين للشاعر الملهم : كريدي بن زابن , وكذلك قصيدتين للشاعر الملهم : عجير بن طلمس بن زومان .

-------------------------------

القصيدة الاولى للشاعر كريدي بن زابن ص 140-141 :

يا اهل الركايب يا نويتو اردادي / بالله عطوني علم واعطيكم اياه

عوجو بي ارقاب النضا بالايادي / لين ان غريب الدار تكمل وصاياه

تجودو بارسان حيل عوادي / زعلات نزرات قربهن مطواه

يجي لهن عقب المقيل اجتلادي / يا زين هجتنهن مع الدو زيناه

اليا لفيتو بيضنا بالعدادي / معهن هنوف صافي الدمع تنياه

قولوا : كريدي حي ما هوب غادي / بين الحزول وبين فيحان مرباه

------

القصيدة الثانيه للشاعر كريدي بن زابن ص136 :-

عديت بالاشعلي وجر بالونه / اجاوب الورق واقنب كني الذيبي

جيت الوعد خال ما كنهن جنه / الله يسود وجه اللي على الشيبي

اقفوا على مشلحي والخرج والشنه / راحوا عليهن يعرضون المشاعيبي

والله يا لوني عليهن ما يتعدنه / لينه يثور الدخن فوق المصاليبي

ينتمي الشاعر كريدي بن زابن الى فخذ المحالبه من العوازم وهو من فرسانهم وشعرائهم المعدودين , ويبدو انه عاش في الفتره الممتده من ( 1870 - 1930 ) ,, وقد حصلت له حادثة قد خلدها في قصيدته التي يقول فيها : يا ليتني عن بيت جدوع صديت .


----------------------------

القصيدة الاولى للشاعر عجير بن طلمس بن زومان ص 104- 105 : -

يا راكب حر دله بالمخاضير / متيه كل الشتا مع ربيعه

يسرح على تقليطة الحوض للبير / والعصر بين منيصفه والوريعه

يلفي بيوت تمنتها الخطاطير / يحول ,, لو هي للنزايل مطيعه

جونا وجيناهم وسقنا المغاتير / سوق الجلايب يم سوق المبيعه

حنا نبيع العمر دون الغنادير / بعناه بيعة رمة مستبيعه

صفوا وصفينا عليهن طوابير / وردن بنا ورد القطا للشريعه

تغاوزوهن يابسين الحناجير / وغدا لهم عند الاهاوي منيعه

والله يا لولا نايفات الشناظير / ما عاد يرجع من يهرج رضيعه


القصيدة الثانيه للشاعر عجير بن طلمس بن زومان ص 137 -138 - 139 : -

يا راكب حمرا يشادي خبيبه / خبيب ربدا شافت اللي جذاها

اليا نزرها ما وراها تجيبه / وان شاعها ما تلحق من قفاها

يا هيه يا ركاب وسق النجيبه / افهم ووصل كلمتي منتهاها

نعم بني عمي نحاز الحريبه / ليا عقلوا عند المتارس عضاها

كم شيخ قوم راح منهم بغيبه / خلي لضربات تقانب عواها

بمضمنات يشعلن الضريبه / بايمانهم دايم قليل خطاها

عاداتهم كسر الجموع الصليبه / مبطن على الجدان واللي وراها

دايم اذا جتهم ليالي تعيبه / في ساعة كل يشح بعطاها

يعطونهم والله عليهم رقيبه / يعطونهم لله ,, على الله جزاها

يا الله تجعل طلبتي مستجيبه / تعز رايتهم على من نواها

ينتمي الشاعر عجير بن طلمس بن زومان الى فخذ القراشه من العوازم , وهو من فرسانهم وشعرائهم المعدودين , ويبدو انه عاش في الفتره الممتده بين عامي ( 1870 -1930 ) .

والله الموفق ,,, والسلام ختام .