هيه ياللي عليك القلب هز الضلوع=كان تبغاني أرحل عنك مالك لوى
أنت خلن من إفراقك تسيل الدموع=وأنت ياصاحبي لجروح قلبي دوى
من عرفتك يانسل إمفرقين الجموع=كل ماتغيب عني لك خفوقي عوى
عنك مصبر دقيقه ياحسين الطبوع=كيف تبغاني أصبر عنك بعد النوى
والله إني حضيضن بالهوى والوقوع=كان هذا وقوعي فيك نعم الهوى
ماحصل بيننا شي ن خطيرن يروع=غير طيب الصداقه حبنا ماحوى
نلتقى بالسنع ثم نفترق للنفوع=عن طريق السلف مافيه منا غوى
حبنا ماهزع به للرديه هزوع=للسلوم الشريفه من تنهض قوى
غيرنا يوم طفى للكرامه شموع=دربنا بالكرامه والمعزه ضوى
يوم أخذنا لذاك الحب الاول رجوع=ذعذعت يمنا بالعطر نسمة هوى
الاصيل النزيه اللي على طيب نوع=ماينزل لراع المستوى مستوى
مايجي مثل ذاك اللي بليا سنوع=إختلف عنه باللي فى كتابه طوى
ذاك ماله عن الجو المعكر دروع=دام فى طرقته ذاك الخبيث إستوى
يكرم الحب الاول عن خبيث الفروع=يوم حبله بحبل الراديه مالتوى
صيته اللي بقى فى طيبات الربوع=لاسرح يوم عنها يم أهلها ضوى
يذكرونه على دله وطاسة قدوع=قدم نارن بليلن بالسعد ماخوى
يسعد الناس حتى مايبين الطلوع=لاشرقت شمسهم راحو عزازن سوى
حب مرغوب لو إنه صعيبن يلوع=كم رحم ناس لاكن بالعرب كم كوى
مثل ماينعش الما يابسات الزروع=ينعش اللي من أيامه ولطفه روى
وإن قسى بالمهالك والمصايب يصوع=للمقابر بسيفه بالعرب كم هوى
يحكم الناس حكمن مثل حكم الجزوع=ضابطن بالمعارك شرس قايد لوى
مايعود ياكود بنصر ينزع نزوع=من عدون من إجنوده شوى اللي شوى
حبنا صعب لاكن نندفع له دفوع=حر من صيدته فوق الجبل ماثوى
من سكن خافقي فى كل دربن وقوع=قمت أدور حبيبن منه حالي ذوى
لين واجهت من يخضع لحبي خضوع=صاحبن عن هوانا للعرب ماروى
قلت ياصاحبي لاتصير فيني قطوع=قال لفراق حبك خافقي مانوى
قلت أجل ليه قلبي منك هز الضلوع=قال ذاك إختبارن بالمحبه زوى
عاذلي فيك ماله غير كسحة قلوع=لو يبيني ماحبك قلت عد النوى