المحاورة الثالثة عشر بين
الشاعرين أحمد العنزي + زيد العويني
زيد العويني
هلا يامرحبا ترحيب وافي ماعليـه قصـور=على وضح النقى والطيب له مركز وعنواني
على شط الخليج اليعربي لو يرسي البابور=يجيب الخير ولا أنه يجيب الشر من دانـي
أحمد العنزي
يدوم لك البقى ياللي ترحب والرجـال حضـور=على وضح النقى والضيف ضيف طوال الإيماني
تقوله يالعوينـي والحقيقـه بيرقـن منشـور=على شط البحور اللي بهـا لولـو ومرجانـي
زيد العويني
على الله والمعاني بعضها مثل الذهب مصرور=تعرف اثمانهـا شعـار ماتجهـل بالاثمانـي
تبي تصدم جبل وتعيش عمرك منهيٍ مامـور=تحسب واحسب حساب الليال ودور الازماني
أحمد العنزي
نبى ناخذ ونعطي معك مادام الرحـاه أدور=على قول المثل والسوق ابه رابح وخسراني
انا من فضل ربي ياوسيع المعرفه مسـرور=وعيني للسمـاء مالدهـا لفـلان وفلانـي
زيد العويني
انا بيني وبينك علم واضح من ثلاث شهور=ولاكن مابغيتك تاللعب الطـاروق مجانـي
تمركز داخل الطابور لاتطلع من الطابـور=انا ماودي علومك تروح اشكال والالوانـي
أحمد العنزي
شهادتنا شهادة حـق مانشهـد شهـادة زور=لكنك لاتقـدم حجتـن مـن غيـر برهانـي
طيور العام حامت مير جاء غير الطيور طيور=وانا شامخ سوات طويق دورنـي وتلقانـي