[حمود الهاجري]

بذكر لكم قصيده تبين ان بني هاجر لحالهم في الهيه وهيه ومافيها سبع قبايل ولا غيره .. قصيده لبن جارالله المري بعد هيه المبرنس ورد عليها من شاعر هاجري

قال شاعر وفارس ال مره ابن جار الله المري

يا هية في المبرنس تبري العله &&& تبري صدا القلب من لول ومن تالي

الخيل عقب المراوح صابها عله &&& من وقع ربع على الزلبات جهالي

ربعي تحط الشحم وتبهر الدله &&& وابيوتهم شيدت فالنايف العالي


ورد عليه الشاعر حرفاش الكدادي بعد ويسه والفرق بين الهيتين سنه واحده فقط وذكر حرفاش قلة بني هاجر في الهيه وكثرة الجموع المعاديه وهنا نفي لما تطرق له البعض من تزوير في الحقائق

قال حرفاش الكدادي

ان كان يطري البرنس فاخذت الحله &&& (الكثر يغلب الشجاع ودبرة الوالي)

منا خذوا كل عود صايبه عله &&& خذنا قضاهم من سريع كل عيالي

تر اول الجمع عرضناه سيف الله &&& الين خذينا اعيال سوقهم غالي

مامر (التامتين) وشاف فعل الله &&& نسوانهم تداوج مالها والي

التامتين: هيه حدثت بعد المبرنس عام 1334هـ اذ اراد بني هاجر الاخذ بثار المبرنس فصبحوا القوم في مكان يقال له ويسه وانا هنا بذكر هذه الهيه لانفي ما قاله البعض ان المبرنس اخر هيه حصلت في المنطقه بعد توحيد المملكه وهذا منافي لتاريخ لان المبرنس 1333هـ وويسه (التامتين) 1334هـ وكانت لبني هاجر على ال مره

وهذي قصيده لشاعر حرفاش بن ناشي الكدادي الهاجري ذكر فيها قصيده يدون فيها هيه ويسه ولاحظوا ان القصيده تم فيها ذكر المكان وفي القصيده يقول انشدوا الفارس ابن جارالله راعي القصيده الاوله عقب ويسه وش قال ؟؟

اي يبي رده لان ابن جار الله ذكر قصيده بعد المبرنس يفتخر بفعل ربعه فقال له حرفاش وش بتقول بعد ويسه الي هي بعد المبرنس واليكم القصيده

قم يا نديبي على اللي مابها خله &&& قطاعه للريادي واشهب اللالي

ولا بتنصاء حد كون ابن جارالله &&& ثم انشده عقب ويسه وشهو قالي

كن الزنايج عصير بأيسر الحله &&& مثل الخشب ناضده بالسوق حمالي

عقب الحرايب مطوع ملهم شله &&& فرح بالاسلام يبغي الصلح من تالي


وسلامتكم