جاسم ..
العشق ماعاد له عندي مقام=وماعادني كل بنت أعجب بّها
والله ما أطالع ( بنيه ) مادام=غاليتي . تحبني وأحبّها
صالح ..
الحب ماهو سواليف وكلام=والغاليه في ضلوعك خبّها
ولّا هل الدنفسه . بأسم الغرام=أما تكبك .. أو انْك تكبّها
جاسم ..
من شفتها . بالحلا . والأحترام=كل البنيّات قمت أسبّها
ان روّحت . ياحسافه . ياحرام=وان جات .. يامرحبا . يالبّها
صالح ..
لاتحسب ان الهوى برد وسلام=اسأل مجرب دروبه طبّها
تغدر بك الناس . في جنح الظلام=تب اليدين القصيره .. تبّها