السلام عليكم ورحمة الله وبركاته
كنت احسب ان الحب فتره ولا يدوم
كنت احسبه فترة فراغن يسلي
واثر الغلا يزداد يومن ورا يوم
لين امتلك عقلي وقلبي وكلي
حبك تمركز بالحشى وافرق السوم
وسهم المحبه ياوليفي متعلي
خل المحبه بيننا دايم تدوم
محدن درى عنك ولا احدن فطنلي
ونعيش في دنيا خليه من الهموم
تضحك لنا الدنيا وتضحك ياخلي
اي والله اني اعشقك فيك ملزوم
اكره جميع الناس لو كان من لي
لا مرني طيفك وانا نايم اقوم
افز من نومي ارحب واهلي
يامرحبا باللي لفاني باللحلوم
ترحيبتن بعداد مزنن يهلي
ان جيت ابوصف فيه اخاف اني اشوم
مدري وش ابدي فيه مدري ش اخلي
العين عين الحور والجسم مرسوم
والخشم كن السيف بالزين مبلي
لا شفت زوله قامت طيوري تحوم
حلا طبيعي ماهو اللي متحلي
اضيع لا منه هرج واسّكت القوم
والموت لا شفته غمز وابتسم لي
هذا وعد مني وفالوعد ابصوم
ماخون لو كل العذارا تعرضلي
مرت ثلاث سنين للحين ولليوم
صامل على حبك ولو جن عقلي
وختامها عنوانها وابعد اللوم
ومن لامني ماجرب اللي حصللي