الرقيّه
يا بايـــــع الـرقـّي نبـي رقّيـــه * بشــرط حنـا بالنـظر ننقاهـا
نبـــا نتمـــتع دامــــهــا حريّـــه * نــبا نمتع شوفنا بصـبــاهـا
والله غفور ويعـــــلم ان النيّـــه * لله وحده صافـيــه محياهــا
لكــن هـــــذا نــاتج الــرجعيّــه * الكبـت ولّد علّـه مابغـــاهــا
ناتج خلل في الشرع والشرعيّه * المحكمه متهـــالكٍ مبناهـــا
فيهـــــا تدير وتســـتدير الهيّــه * على السلوم الأولّه مبادهــا
على الجهل مأمورةٍ منهيّـه * تحمي الحمى وهي فساد حماها
بحمى الحكومه والملك محميّه * تضللّ العــالم بطول لحاها
ماعمّ فيها أخــــــص للذميــّـــه * الله عن ديار الوفا يمحـــاها
دار الرسول القــــــبله المحبيّه * الله بيته والرســـول أهـداها
أرضي وعرضي ووطن مبليـّه * الله وحــده عـــــالم بلواهـــا
فيها رجال الدين ماهو شويـّه *فيها رجال الصدق من منشاها
فيها الكرم والنخوه الاصـــــليّه*أم العروبه والعـــرب ندراها
بقيادة الفرد الفـــــــريد بزيــــّه * الله يرعاها وهــــو يرعاهـا
مــــلك مــلك مافيه لــوّ وليــــّه * المملكه ملكه وهو بزهـاهـا
حبّــــه لشــــعبه ولـــّد الحـــنيّه * عدالته للشعب ماينســــــاها
ميرا لبلا والعلـــه المخــفيــــّـه * ببطانتن ترقص على ليلاها
موكـــلّه بالمـــــال والمــــــاليّه * تخون أمانتها ولا تلقـــــاها
غـاب الرقيب وغابــــت الذميّه *الشعب ماله حجةٍ يــــــبداها
ماله مـــــمثل يــــردع الشريّـه * يعلم أدناها ويصحي أقصاها
يشلع وزير الكذب من كرسيّه * يحاسب المخطين عند خطاها
هنـا يصير الاخ مثل أوخيّـــه * ترسي رواسيها ويصفي ماها
يعلى علمـــــها في علا العليـّه * رمز الشهاده لابدى نتـــباها
ينعم مواطنـــها ويلقــى غيــّـه * ويروح ساعات اللزوم فـداها
هذا وللشاعر وشـــــعره سيّه * وله حسنةٍ تكتب كل مهجاهـا
ونروح ونعـــــوّد على الرقّيه * رقيتــك خذهـــــا ولانبغاهــا
الشاعر : سعد صالح العازمي