لو أعزف أحساسي وأجر الطواريق=من نبرة الاحساس تسمع صداها
إيه اعترفلك خاطري صابه الضيق =لو ضيقتي بطويق زعزع حصاها
لي خاطرن يرقا الجبال الشواهيق =وهمومه ابصدره ولا احدن قراها
يبذر همومي بالحشا و المعاليق =والصبر من خيرات ربي سقاها
أنا طموحي فوق عن قمت طويق= وأدري طموحي لو بغاها رقاها
ناوي فراقي يامليك الغرانيق =ياسيد الدنيا وكامل حلاها
بالكلمه الي بللت ناشف الريق =تشفي جروح الخاطر الي هواها
حرمتني كامل حقوق العشاشيق=قطعتني وغيبتك مدري شوراها
حاكم علي من غير جلسه وتحقيق=بتكبل ايديني وتضعف قواها
وين العهود و وين ذيك المواثيق=صامل عيوني لا يهمك عماها
درب السلامه والهنا والتوافيق=لا تشغلك روحي ترا الله معاها
خلك علي كيفك مع الوقت بتفيق=خسران حربك قبل دورت رحاها
تبعت لك نانس ضعوف و مطافيق=نانس تغطي طيبها من رداها
استغفر الله رب كل المخاليق =رب الحرم والارض والي وطاها
هذا القدر جابك عيونك غواريق=بدموعك الي ضم خدك نداها
ماتنفك كذبه و لا يفيد تلفيق=سقت الخيانه و المفارق جزاها
ماني بلايق لك و لا حقي تليق=روحي صباح وليل روحك حواها
ماطيق بعدك لا ولا قربك أطيق=من جيتني والروح زايد شقاها
ذقت الفراق وجرح حبك بعد ذيق=والروح طابت عالم الله خفاها
يعني خلاص الحين ماعاد بي ضيق=يعني عيوني لا يهمك عماها
(( سقت الخيانه ))
( تقرير عن مشاركة مخالفة ) ، و الموجودة أسفل كل مشاركة .