كفيّ دموعك بيّن الشين والزين = قبلك انا محد(ن) مسحلي ادموعي
قبلك أنا هليت دمعي من البين = وعفت المكان اللي يجونه اربوعي
وقالوا علي أعداي غادي ومسكين= عساه من سكرة هوى الحب يوعي
وأقول في بالي هذولا مجانين = يبوني انسى حب زين الطبوعي
وزرعت لك باقصى حشايه بساتين = ومن الولع حبك غداله افروعي
واثره صحيح العلم ثبت وبراهين = ماكنت احسبك في هوايه قطوعي
حبك غدا مجهول ماله عناوين = تلعب به الأفكار من كل نوعي
ابدفنه وانهيه حتى تعرفين = أني على ماقلت قلبي قنوعي
أندم على اللي فات مندم على الحين = لا يمكن ارجع دام قلبي جزوعي
الحب الأول مات من مدة اسنين = والحب الآخر ما تشيله اضلوعي
وينك مع الأيام يا غايتي وين = يوم الدروب أنوارها من شموعي
شوفي بدالي كان ودك تسلين = تلقين من نفسه تحب الخضوعي
خلاص لا يمكن على البال تطرين = بعد اللي شفته منك صعب(ن) رجوعي
كفى دموعك
( تقرير عن مشاركة مخالفة ) ، و الموجودة أسفل كل مشاركة .