ارجو من الاخوان الي بالتربيه الاساسيه يدخلون يدخلون للافاده ,,,,,

[عبدالله بن بطي الجريان]

السلام عليكم ورحمه الله وبركاته ’’’’’’’

يا اخوان الي بكليه التربيه الاساسيه بغيت استفسر بكم شغله ’’’’’

انا توني مسجل بالتربيه الاساسيه وتخصصي تربيه اسلاميه واخترت جدولي وقالي واحد انت ما اخذت ماده التخصص والي اهي ( مدخل الي التربيه الخاصه ) او ماده ( مقدمه في الاعاقه العقليه ) ولازم تاخذه علشان لا تصعب عليك بعدين ورحت بغير جدولي ابي وحده من هالمادتين ومالقيتهم بالجداولي الموجوده وسألت وقالولي اختر الي جدول الحين وبعد اسبوع في سحب مواد وانا الحين دخت مدري شوي اخاف انطر وما القى تسجيل مواد وتروح علي هالماده وابي اعرف شالحل ؟؟؟؟؟؟


والشغله الثانيه بغيت اسأل اذا جبت نقاط ومعدل مرتفع يصير اغير تخصصي لي التربيه البدنيه ولا صعبه ؟؟؟؟

ونفس الحاله اذا جبت معدل عالي يصير انقل لكليه الشريعيه بالجامعه ولا مايصير او صعبه وسالفت واسطات ؟؟؟؟


ارجووو الافاده واسف على الاطاله

[عبدالله بن مانع الملعبي]

وعليكم السلام ورحمة الله وبركاته

اخوي عبدالله

في سحب واضافه بتاريخ ٢١ الجاي دش وشوف متى موعدك كل يوم احسن لك

اذا تبي تحول الى بدنيه لازم تجاوز ١٤ وحده ومعدلك نقطتين ونص

وسالفة انك تنقل الى الشريعه مستحيل


وشكرا


وسامحني ع القصور

[افلاطون]

اخوي عبدالله

اذا انت مستجد ما هقوتي يعطونك موعد حق السحب والاضافة
روح عند مكتب التسجيل واهم يضيفون لك المادة اذا كانت مادة تخصص وتفتح لك مواد ثانية
اما اذا انت مغير تخصصك دش على رقمك السري في الهيئة وشوف موعدك متى وضيف المادة الي تبيها
مو مشكلة اذا هالكورس ما اخذت مواد تخصص
بس الكورس الجاي شد حيلك واخذ مواد تخصص


يصير تدخل تخصص تربية بدنية بس لازم معدلك يكون فوق 2.65

ما يصير تحول من التربية الاساسية لي الشريعة
واذا نسبتك فوق 78 اطلع من التربية الاساسية وسجل بالشريعة الكورس الجاي
اما اذا نسبتك اقل من 78 مراح تقبلك الشريعة


واي استفسار اخوك افلاطون واسف على الرد المتأخر