السلام وعليكم ورحمة الله وبركاتة ,,,,
الموضوع الي بطرحة اليوم مو جديد علينا ولا على التعليم العالي.
هل من المعقول إنا نروح نتظاهر ولا نستفيد الا بوعود كاذبة ؟
سؤال هل هم يوعدونه علشان يفتكون منا ؟
حلو عندي فكره بقوله لكم اتمنى انكم تستوعبونه عدل علشان تعرفون تردون على اي احد يسألكم .مع احترامي للجميع
تخصصات الهندسة على سبيل المثال هندسة كمبيوتر قدمو 100 واحد فقط في البعثة الاصلية اوكي اقل واحد نسبتة 90% هل من المنطق انهم يقبلون بالشواغر اقل واحد 90% اذا الي يبون التخصص في البعثة الاصلية انقبلو لي ماتنزلون النسب ؟
انزين الي رقمة 101 وكانت نسبتة 89.9% ماينقبل ؟
انزين حنا بتعليم عالي ولا حضانة اطفال ؟
خلنا نطنش السالفة شوي
موضوع إن وكيل الوزراة مايستقبل المراجعين الا ساعة او ساعتين باليوم !!! شنو ماله خلق لنا ؟
انزين تظاهرنا اليوم وتظاهرنا الخميس هل حصلنا على اي تلميح لو 1%؟
انزين يا طلاب ويا طالبات تبون الحل ؟
الحل موجود بس يبيلة شغل . لاتقولي لا والله خلاص راحت علينا ولا كلام مثل هذا !!!
الكويت دولة غنية وشعبها زين يطق ال2 مليون كحد اقصى
11000 متخرج السنة الحالية بس يودون 1400 ؟ ليش والباجي ؟ ياخي تقولي جامعة الكويت اقولك فاشلة في عدة نواحي واسمحولي على الكلمة
اسمعوني ياطلاب ويا طالبات مطالبنا سهلة المنال
شروطنا مو تعجيزية
بعثتنا مو خسارة على الدولة
اذا خذينا شهايدنا محنا مشتغلين بالهند بنفيد بلدنا وليش مانسوي مظاهرات ليش مانسوي اعتصامات ليش مانطالب بحقوقنا ؟ في حديث يقول الساكت عن الحق شيطان اخررس ؟؟
وليش مانسعى لمرادنا هل نفتقد الى شي يجعلنا لاننقبل ؟
حلو خلونا نتفق على يوم الثلاثاء اعتصام امام التعليم العالي ولكن نريد ان نمنع اي موظف في التعليم العالي بمن فيهم من الخروج قبل الموافقة على الطلب حتى لو استدعا الامر لنذهب الى ساحة الإرادة ثم بشكل يومي حتى نحصل على شي بسيط من حقوقنا
طالب يدرس 12 سنة اخر شي ماينقبل ؟؟ ليش يدرس
اوكي يوم الثلاثاء الموافق 27/9/2011
راح اروح التعليم العالي واتظاهر حتى لو كنت لوحدي ولكن بدعمكم سوف نكسب واهم مطالبنا قبولنا
يوم الثلاثاء من الساعة 9 صباحا حتى يصدر قرار بقبولنا واتمنى من الجميع المشاركة ادري بتقولون تونه متظاهرين
بس كثر الدق يفك اللحام
وشاكر لكم تبون اي شي على الخاص
واشكركم جزيل الشكر (f)
منقول