بسم الله الرحمن وأقرا ما يلي = وأفـهم كلامـــي وأنتبـــه لكتابته
(الذيب) يقنب والهدف راس الطلي = إما جفل والا سنونه صابته
الحق حق يقال والله الولي = واللي زعل يمسح براس اعصابته
يا(نايف) الحجه كذا ما تنطلي = إلا على رجلن فعولـــه عابته
حنا نعرف أن (الردي) غير الشلي = واللي يقول العكس يجهل لابته
أهل (المواقف) ما تغيّر بالحلي = مثل الجبال النايفات الثابته
تثبت على الموقف ونهج الحنبلي = ولا ضاع حقٍ من ورى طلاّبته
وأن كنت تجهل سيف ابو طالب علي = أنشد وتلقى للسؤال أجابته
نائبك يا (نايف) من المبدأ خلي = ياقل عقب اللي حصل رغّابته
الزول ذيب وبالمجالس بلبلي = وقــــت (اللوازم) يا كثر ضرابته
واللي قصر (بالطيب) لو هو من هلي = يحرم عليه (الكيف) يا شرّابته
وسلامتكم