أن كان ودك بصـدك تعـلن أفراقي = ارحـل وعلّمـك كيـف الحـب وفراقه
لا تستغــل (المشاعـر) وابيـض اوراقي = لا كبـرت السالفه للرمــح زرّاقه
لادن صوت الغضــب وأن لاح براقي = لا تامـن سيــول (عاشق) لاح براقه
صحيح جيتك (غلا) تسبقني أشواقي = عاشق يفوح (الغلا) من داخل اعماقه
ما جيت أدوّر وراك أتعاب وأرزاقي = ولانى من اللي يجون (الحـب) سرّاقه
جيتك ونبض (الغلا) من داخل أعماقي = يعلن لـك (الحــب) ويقدم لك أشواقه
طبعـي أحـب الوفــاء للوصل مشتاقي = وكل (المحبيــن) للأخـلاص عشاقه
ومن صد عني وناوي يكثر أرهاقي = ما همني لو قصر من دونى بساقه
من عاف وصل (الغلا) ما عاد ينطاقي = هديتي فــي غيابــه (ورد) في باقه
مافيه أحد منجبر للحب ينساقي = كلن على راحته والناس ذوّاقه
أعز نفسي ولا ارضى جرح خفاقي = واللي بغى (الهجر) بوقّع له ارواقه
تضيق كل البشر والصدر ما ضاقي = وما عاش من هو يهز (القلب) بفراقه