كل ماغنيت واطلقت الهجـوس=عاينـت لسهيـل والا للجـدي
ماتبا الفكره تسير إبلا طقـوس=لجلها تسعـى شويـه وتعـدي
كنها اللي تصطفق يوم العبوس=مهـرةٍ فالكـون تقبـل وتغـدي
وكنها اللي له زمانين محبـوس=معسرٍ...واقضى له الدين أجودي
اجهدي والوقت حده حد مـوس=وابدي المشراف ثمـن عـودي
ماشعاني شوق حب العيطموس=لو على شوفي تغنـي وتحـدي
علها للويـل والحـظ النحـوس=في نهـارٍ مابساطـه باحمـدي
راكب االي لاسيور ولا تـروس=ولا جناح ولا سطـب ولا بـدي
حايلٍ ماحاسها رجـلٍ يحـوس=ولا لحقها سيب فالوقت المـدي
معمي الله دونها أصحاب النفوس=يانفوس القوم قومـي واقعـدي
فوقها اللي يفهـم بليّـا دروس=قبل أتم القول...يفهم مقصـدي
فارسٍ في معركة حرب البسوس=تاجرٍ في سوق نظـم الابجـدي
سم يا فاهم ليا جوك العسـوس=من يد المندوب كنه مـن يـدي
استلم خطٍ سليم مـن العكـوس=ماتطرقبـه ضعيـفٍ مبـتـدي
شحنة البابور روسٍ ماتـروس=ميّز المحراف وافهم مـا لـدي
استدارت فالمحيط وهب كـوس=والسواري حبلهـا همـد وردي
تاه فالغبـات قطـاع الرمـوس=والملقف خبطهـا خبـط بـردي
علم الغـراس يرقـب للغـروس=لايطالـع فالعيـون الـرمـدي
والثنين اللي على المركا جلوس=يكرم المجلس ويكـرم مسنـدي
واحدٍ فاللازمـه مالهـا لبـوس=لايدورلـه صقـيـل مهـنـدي
والضليع اللي تعلتـه الطعـوس=يشطب اسمه من معاليم بلـدي
ماندور عون فالحرب الضروس=تركتي من حظ بنتـي و ولـدي
كل طمعة دونها ذيـبٍ فـروس=وكل ذيب بسـد ذيـبٍ مقتـدي
قلتها والبيت محمي ومحـروس=والجنون تشيط ساعـه وتهـدي