لابغيت تروح روح ولاتزايـد فـي عنـادك=حجّتك هذي قديمة عارفٍ وش هـو سندهـا
لاتحمّلنـي خطـاك ولاتفهّمـنـي مــرادك=أنتهت قصّة هوانا ونطوت صفحـة عددهـا
كل مافينـي نسـى حبـك ولايبغـي ودادك=حتى ذكر أسمك يعل الروح ويسمّم جسدهـا
وأنت لي ذا الحين تحسبني أحبك في أعتقادك=مادريت أني داويت جفون عيني من رمدهـا
تحسب أني لعبةٍ بيديـك يـوم القلـب رادك=تامر وتنهى على كيفك وحالي فـي نكدهـا
لاورب البيت لبيعك وبعلـن عـن جهـادك=والبيوت اللي بنت لأجلك نبي نهدم عمدهـا
بجرحك مليون مره لين تبلش فـي رقـادك=وأن رقدت مزون غدرك يزعجك عالي رعدها
منت كفو أني أحبـك والغـلا ماظـن فـادك=أزرع أبذور الغلا لك مير غيري هو حصدهـا
روح للي حبّته عينـك وقلبـك فيـه قـادك=يمكن عيونك ليا شفته تزايـد فـي سعدهـا
وألا أنا عزّمت أهاجر قلعتك ودفـن رمـادك=ورحل لدنيا السعادة وحتسي صافي شهدهـا
بلغي صكوك الغلا بأسمك وختمك وأعتمـادك=أنت ماضي راح ولّى عشرتك قلبي حجدهـا
مستحيل أرجع بعد ماذقت سمّك وسـط زادك=وأن رجعت اليوم قول أمي ترى ماني ولدهـا
ولو تحب الكوع من شاني وترهن لي فؤادك=أنت لي مثل الجنازة حوّلـت داخـل لحدهـا