كل ما بغيت أبدع لك (أبيات) في كتاب = شفت (المشاعر) كلبوها تشاوت
مدري وش أكتب فيك من مدح وأعجاب = لأن (القصايد) في مديحك تهاوت
أنتي شموخ (ملوك) وسلوم لأعراب = وفــي طيبتــك كــن الآوادم تســاوت
شلتي هموم إثقال ما تشيلها أشناب = وبالصبر كــل جروح وقتــك تداوت
والصبر مفتـاح الفــرج يفتح أبواب = حتــيــش لــو أن المصايــب تفــاوت
لو كان بيدي ما وطت رجلك أتراب = فوق السحب خطوات رجلك تطــاوت
ولا من ذكرت العنق مع سود الأهداب = عروق (قلبي) في الحنايا تلاوت
الله عطاك اسلوب مع زين جذاب = يفـــداك قلبــن نار حبــّه تضـــاوت
حبٍ شريف بمنهجه ما بعد عاب = فيـه (المشاعر) لا اعذلوها تقـاوت
(الحب) مع شرواك ما يقبل عتاب = روحك وروحي في المحبه تخاوت
دام (الغلا) من بين الأثنين ما غاب = ما همنا لو (الذيابه) تعــاوت