.. (( اضحك على نفسي )) ..
اضحك على نـــفــسي .. و اقول انك تبي ترجــع قريـب ! = أكتب قصايد رجعتك و اشعل شموعي و انتظر !
تعبــت انادي لك : .. متى ترجع لــنا يا اغلى حـبــيــب ؟ = كـل الـدروب اللي مشينا نادتـك : طــال السـفــر !
رســايـــلك دايــم مــعي .. ذكـــراك لا يــمـكــن يغــيــب = مشتاق لك كثر النجــوم و كثر قــطــرات الـمــطـر
جـــرح الــــغياب اللي نـزف وشلــون بــغيـابـــك يــطـيــب ؟ = وضلــوع جســمي من يــجـبّـرها بــعـد ما تنكسر ؟
وينك ؟ .. بكت كل القصايد .. حتى انا كني غريب ! = وحيد وشـمـوعي طفت .. حتى النظر .. راح النظر !
أبـــنتظر .. يـــمكن تــــنادي لي و تــــرجـــــع تـستجيب = أبـــنتظر .. ياللي عـــــــشــانك بعـــــت انا كــل البــشر !
.. مجاراة الشاعر : فهد الصواغ
فقدت أنا أعلاج الصبر .. وحتار في طبي الطبيب = عجزت أدورلي . دواء .. مليت من كثر الصبر
أحترت هل هذا (جفى) أو هو .. ردا حظ . و . نصيب = تعال ماباقي علي .. إلا ليالي . وأنتحر
في غيبتك . جسمي نحل .. والحال من بعدك . عطيب = والعين عـيّـت لاتنام . أشقيتها بكثر السهر
ناديت لاكن للأسف . ماشفت عندي من . مجيب = يرجع صدى صوتي علي .. مبحوح . واليأس أفتخر
شفني وحيد أبغيبتك .. مالي صديق ولا قريب = قاعد أقزرها شعر .. أكتب شطر وأمسح شطر
ياقوى قلبك بالغياب . أشلون تهجرني وتغيب = وأنا من أسباب الغياب . الهم . في قــلبي كـــثر
وسلامتكم،،
----------------------
.. مرتاح .. (( صوت : منصور اللغوي ، صدى : فهد الصواغ ))
(( صوت : منصـور اللغوي ))
من شفت بيتك وانــا مرتاح = طبيعي ارتاح من بيـــتك
مشتاق لك و الغــلا مـــاراح = شفني على صدتك جيتك
ما طاح بيت الغلا .. ما طاح = ياللي من الشوق ناديتك
كل ما ذكرتك قصيــدي لاح = ياليت تسمعه .. يالــيتك
هواك خيط(ن) و انا المسباح = أضيع .. لو يـــوم خليتك
صحيح : طعم الهوى ذبـاح = دريت .. من يوم حبيتـك
- - - - - - - - - - - - - - - - - - - - - - - - - - - - - - - - - - -
(( صدى : فهد الصــــواغ ))
حبك على القلب جدره فاح = من نار شوقي وألا أزريتك
ناديت بأسمك ودمعي ساح = ولو كنت أنا ..! صحت لبيتك
ماجيت أدور كثير أرباح = الروح للـمـوت شـــاريـتـك
أشتد عقلي وقلبي ناح = حتى قصيد الغلا أهديـتـك
يشدني عطرك الفواح = ياوردة الحب شمـيـتـك
((سرك بوسط الحشى ماباح = ياللي عن العالم أخفيتك))
----------------------
.. أثناء مباراة كأس العالم 2010 لـ كرة القدم بين اسبانيا و هولندا ارسلت رسالة تلفون على الشاعر مبارك الحجيلان .. اقول :
توقعي الكاس هولندي = لو قالوا الكاس للاسبان !
.. قال :
خذها حقيقه و من عندي = الكاس في ديرة الثيران !
حدثت محاورتين .. بيني و بين شاعرين متميزين .. الأولى بيني و بين
الشاعر متعب المسحمي :
اقول :
سلام ياللي مع الشعـار = معروف وزنه و مقداره
الناس يا صاحبي تنهـار = من غشمرة ناس منهاره !
قال :
يـا مرحبـا وزمـن دوار = يا شاعر معروف فى داره
لا صرت يا صاحبى محتار = بعطيـك علمـى وتختـاره
قلت :
تقول يا صاحبي وشصار ؟ = واقول : سويتها غاره !
هاتفك مزعج رجال كبار = الناس ماهيب ثرثاره !
قال :
منصور وده يشب النار = وانا عطيته بمعياره
هذاك شاعر وله مشوار = مثله نبى ناخذ اخباره
----------------------
.. المحاورة الثانية بيني و بين الشاعر
فلاح القراشي :
قلت :
سلام مني والمعاني في هواجيسي تلوح = للشاعر اللي للحموله دايمن حمالهاا
قال :
يا مرحبا ترحيبة ٍٍ بعداد براق ٍ يلوح = من هاجس ٍ جر المعاني ورتقا بجزالهاا
قلت :
الك البقا والفرصه اللي جمعتنا ماتروح = بيني وبينك ملعبه والخيل من خيالهاا
قال :
اكرب حزامك واغتنم فرصتك وارقى بالصروح = والملعبه من بيننا منهو يشب اشعالهاا
قلت :
اللي ظلم له ناس ثم ٍ عاش في موت الطموح = مايدري ان الله يغـيّـر كل نفس وحالهاا
قال :
الله يحاسب من ظلم والله يحاسب كل روح = يجزاك في فعل الحساني دايم ٍ بمثالهااا
قلت :
المشكله لاصار للظالم شريك ٍ بالجروح = ربعك ولاكن بالمشاكل نايمه بثقالهاا
قال :
لا جاتك العيله من الاصحاب عجل بالنزوح = واترك مقاريد العرب والمشكله واحبالهاا
قلت :
حتى العدو ماهو عدو واصبح لنا وجه ٍ سموح = اللي رضت ترضى ومن تسخط ماهو بشوالهاا
قال :
بعض العداوه يا عميل الخير تعطيك النجوح = مير البلاا حسد الرفاقه لا تزايد غالهااا
قلت :
حنا صبرنا ثمّ جانا لجلهم طوفان نوح = واهل السفينه روّحوا ثم وقـــّــفوا فجبالهااا
قال :
الصبر مفتاح الفرج مايقدره رجلٍ ٍ شفوح = والله يجازي كل نفس ٍ ما جنت بأعمالهاا
هذه أبيات بيني وبين صديقي الشاعر مسلم حميد الدواي .. :
أقول :
سلام و الليلة تزين السواليف = الليلة الميقاف ذابح و مذبوح
قال :
يا مرحبا و الشعر مابه ملاقيف = يا مرحبا ما غير طارح و مطروح
قلت :
الك البقا والحين انا شاهر السيف = قالو لي انك ( شاعرن ) قلت : ذا لوح
قال :
ماجبت حدي معك ابلعب بتخفيف = ياشاعرن لي مدتن شايحك شوح
قلت :
تقولها .. واقول : من دون تخويف = يا صاحبي ردك ترى ناقص الفوح
قال :
حنا هل الجزلات .. حنا هل الكيف = ولا انت عن كل الشواعير مزحوح
قلت :
تقول : زاد الشوق واسهر مع الطيف = علمت كل الناس و تقول ذا بوح !
قال :
ان كان قصدك يالحبيب .. المواليف = من بعد ما قفت ترى زايد النوح
قلت :
تقول : زاد النوح .. واقول : يا حيف ! .. قل للذي روّح : جعل روحه تروح !
قال :
كف الدعا تراه غايب و ما شيف = عذره معه .. كف الدعا كفّ الجروح
في ايام اختبارات الثانوية .. كنت اذاكر لمادة معينة .. طبعا مادة علمية كوني انا علمي .. المهم انا ارسلت بيتين لأربعة شعراء متمزين .. أقول في البيتين :
سلام ياللي لا سمع بيت ينحاش = يضيع ما يعرف على البيت رده
يا صاحبي والشعر ماهو ترا طاش = إما تعرف الشعر وإلا تهده
.. أسرع هؤلاء الأربعة في الرد هو الشاعر فهد عوض البريكي .. الشاعر الاعلامي المعروف في المنتدى و المتميز دوما .. قال :
يا مرحبا واللي يبي العيش يعتاش = وإلا فهد يا صاحبي منت قده !
من لا ضبط جزل التماثيل .. ماحاش = إلا الهزل يا صاحبي وانت نده !
.. أنا كتبت البيتين تقريبا الساعة 3 الفجر .. و فهد رد 3 و نص .. تقريبا جذي كان نص ساعة الفرق .. بعد ما نمت وقعدت من النوم ( على اساس إن باجر خميس ) .. لقيت الثلاثة الباقيين رادين .. يقول ثامر مبارك راعي الدليما و هو أحد الشعراء الذين يشاركون في المنتدى .. و بنفس المنطقة :
يا مرحبا في الطيب وإلا انت وشواش ! = ماني على طرد المقفين رده
بحر الشعر يحتاج شاعر و طواش = و إلا انت خبل(ن) بيح الشعر سده !
.. و يقول محمد مبارك أخو ثامر الكبير .. و هو أحد الذين استمتع بلعب المحاورة معاه لان له ردود جميلة و سريعة بنفس الوقت و دائما يتحداني كل ما زرته و يزين اللعب :
هاذي بيوتك كلبوها على ماش ! = انته بنيت البيت و حنا نهده !
انا رفيق العز و إلا انت خفاش ! = خفاش(ن) اسود داخل الغار هده !
.. و يقول الشاعر سالم الرميضي و هو أحد شعراء المنتدى .. و هو أحد الأصدقاء المقربين :
سلام عد ذرات عطر(ن) بالاغراش = وترحيبة ٍ ممزوجة ٍ بالموده
سلام يا فرخ(ن) تربى بالاعشاش = و الريش توه ما اكتمل فوق قده !
قرر يطير و صوبه طلق رشاش ! = من شاعر(ن) ما بيح الشعر سده
.. طبعا يا شباب من حقهم يردون علي بهاذي الصدمة .. لاني انا رفعت ضغطهم في البداية
.. ذات مرة أرسل لي الشاعر : محمد الشتلي في الماسنجر بيت جميل يقول :
منصور يا وجد انا حالي = وجد الذي مضيع ٍ ذوده
.. فقلت له :
و يا وجد حالي على الغالي = وجد الولد لا فقد عوده
.. في يوم ارسلت رسالة تلفون على الشاعر طلال العازمي .. اقول :
يالشاعر اللي قصيده منعفس حده = وينك ووين القصايد يا نظر عيني !
.. قال :
ما كان هذا كلامك من قبل مده ! = مدري وش اللي حصل ما بينك و بيني ؟
.. في يوم من الأيام أرسلت لشاعر عتيبي بيتين .. انا كنت عارف رقمه وهو مو عارف رقمي .. :
سلام الله سلام(ن) يوصلك بالهاتف النقال = وانا شاعر ليا جاب المعاني ما يخربها
سمعت انك تقول الشعر وانك تضبط الموال = هلا في ( شاعر التصفيق ) و التاريخ يكتبها
.. اهو رد و قال :
هلا يا مرحبا باللي يراسلني على الجوال = نرحب مير ما ندري عن الدعوة وصاحبها
على ما قيل يالصاحب ( تركد وارسم المنوال ) = و الا بعض الدواوي كيف للتاريخ تنسبها
.. قلت :
أنا بنشدك وش قدمت في شعرك سوى ( يا لال ) ؟ = تطول السالفة ما بين شرقها و غربها
إذا كان الشعر عندك حكي عادي لنا ينقال = اجل تبطي مع الاشعار ما ارويت شاربها
.. قال :
يقولون العرب لا صار للشجره ثمر و ظلال = تحذف مير ما اظن الحصى يقدر يحدبها
تضايق ( يالحوير ) دام من حولك تشوف جمال = واظنك فالبكار تحوف ما تقدر تضربها !
.. أبيات بيني و بين بعض الشعراء ..
( تقرير عن مشاركة مخالفة ) ، و الموجودة أسفل كل مشاركة .