السلام عليكم ورحمه الله وبركاته
انا احمد الله مابدى مني قصور=وفيت لك بالعهد ياسمح الأقبال
يومك تبادلني الغلا .. صادق شعور=ماطعت في حبك هل القيل والقال
واليوم تجزيني بذا الصد...! مشكور=الله حسيبك يوم خيبت الأمال
ماني ورا طرد المقفين مجبور=طبعي عزيز النفس ياطيب الفال
لو كنت انا مرضان وأحتاج دكتور..!=فا الصبر طب الهجر لو الجفا طال
ماناخذ الأشوار من غادي الشور=اللي قضى عمره على شين الأفعال
مع السلامه وأنهدم كل معمور=خلك على ذا الحال ياسمح الأقبال
شعر./ فهد محمد الميع