جيتي وانا غرقان في بحـر همـي = وبيديك شلتيني على جـال الأفـراح
قبلك وكن (الحزن) يجـري بدمـي = و (الهم) كنه يطعن (القلب) برمـاح
وجيتي (غلا) و (الشوق) يدفعك يمي = وأنا (بشوقي) جيتلك و(الغلا) فـاح
بلملم أشتاتي وبشويش لمي = قلبن حزين وكله اهموم واجراح
ضمي (حبيبك) داخل (القلب) ضمي = وأخذي ( خفوقن) في ملاقاك يرتاح
يفوح لك (ورد الغلا) عطـر شمـي = وأقطف من (البستان) مانجا وتفـاح
وأتيه في (حبـك) وينـزاح غمـي = وأعيش معك (العمر) في جد ومزاح
يا (نور عيني) يا (غلا القلب) سمي = فداك (روحي) يا بعـد كـل الأرواح