(( سكرانيــات رقم 6 ))

[خالد بن سكران]

(الصدر) ضايق و(المشاعر) حايره = و(الارض) ضاقت بي جميع حدودها
(الحظ) مايل و(الاوادم) جايره = و (النفس) عيّت لا تبيح اسدودها
صبرت مير (الصبر) نفسه طايره = ما عاد يتحمّل شديد اقيودها

.......................................

أقسم بربي ((أعشقك)) حد الجنون = يا (تاج راسي)) يا ((غلاي)) و دنيتي
انته ((مشاعر)) ((عاشقك)) وانت الحنون = وانت ((السعاده)) لي ومنبع بسمتي
ارجوك لا تبكى و تاخذك الظنون = قربك ((لخالد)) يا ((حناني)) جنتي

........................................

المشكله لا جرحت ((القلب)) بأسلوبك = ما كنك إلا طعنت ((القلب)) في خنجر
ياللي تجازي بصدك طيب محبوبك = هذا جزاء اللي يغار ويكره المهجر..!!!!!

....................................

((النت)) بدونك يا ((حبيبي)) ولا شي = ((ماسنجري)) مقفول و ((المنتدى)) لاق
يعني ((غيابك)) يكوي من يعشقك كي = يضيق فيه ((الكون)) و تزيد الأشواق
يا نبض ((خالد)) يا((غلا القلب)) يا في = يا مالكن ((قلبي)) و ((للقلب)) ترياق
بالك تطوّل في ((غيابك)) و أنا حي = و ((الحزن)) يأسرني وتشتب الأعماق

.......................................

الصدفه اللي ساقت اقدامي وجيت = للديره اللي ماجهلت دروبها
يا لعن ابوها صدفت منها بكيت = زادت جروح ما لقيت طبوبها

.................................................. ...............

صدمتني في كلمتك يوم دقيت = ما كنت أظنك تجرح (القلب) برضاك
هذا ولك في (القلب) يا صاحبي بيت = مالك شريك ولا جلس غير شرواك

.......................................

مهما عشقت من البشر ما نسيتك = تبقى الوحيد اللي له (( القلب)) مرباع
تعال محتاجك ((حبيبي)) فديتك = شفني أسير ((الحزن)) ((والقلب)) ملتاع
من وين ما لديت وجهى لقيتك = في نظرتى.. في بسمتى.. بين الأضلاع
يعنى أعشقك موت.. مدري هويتك = أنسى جميع الناس و أجيك طماع
مهما كتبتك بيت وإلا قريتك = أنت الوحيد اللي له (( القلب)) مرباع

..........................................

تعال علمني علامك تماديت = في جرح من ((يعشق)) وصالك وطاريك
عطيتك أيامي و((روحي)) وخليت = كل البشر لأني ((أحبك)) وشاريك
كنت أحسب أني يوم حبيت ما أخطيت = واليوم بانت لي دلايل خوافيك
ليتك مراجع ((فهرسك)) يوم حبيت = وعارف ((حبيبك)) قبل تعرف معاديك

...........................................