( العيد ) يا (بو سعود) باقي له أيام = وأنا (حبيبي) صاملن في غيابه
أن كان ماجاني قبل (عيد الأسلام) = أنا أشهد أن (العيد) مكثر عذابه
حسبي على (الايام) وظروف الأحكام = اللي خذت (خلن) عزيزن جنابه
.........................................
(عيدك مبارك) يا بعد كل غالي = و(كل عام و أنت بخير) و أيامك أفراح
............................................
ياللي (غيابك) غير و (مواصلك) غير = أشقيتني ما بين جزرك ومدّك
لا تستبيح (الجرح) من دون تبرير = وتقسى على (قلبٍ) يحبك.. بصدك
تعال.. شوفك (عيد) و مقابلك خير = تعال.. عانق (بالغلا) من يودك
(الحب) وصل و(شوق) مافيه تقصير = حتى و لو ظروف وقتك تحدك
( عيد) العرب (كشخه) و (ضحكه) و(تعبير) = وعيدي معك يا زين بوسه بخدك
................................................
أشتقت لك ياللي لك أيام غايب = ياللي غيابك زوّد (الشوق) فيني
لو قلت لك بتوب مانيب تايب = غلاك يبقى راسخن يا ضنيني
انت (الغلا كله) و للقلب نايب = وغيرك (حبيبي) ما ملى نص عيني
بعدك (حبيب الروح) ساس المصايب = وشوفك ووصلك ينعش الشوق فيني
تعال وأنعش خافقن فيك ذايب = في غيبتك جارت عليه السنيني
.................................................
ما غبت عن بالي (حبيبي) ولا يوم = في كل لحظه في (خفوقي) اطرّيك
قربك (حياة الروح) و أفراقك اهموم = و (روض المشاعر) في غيابك يناديك
.................................................. ..
ليا مني ذكرت أنفاسك العذبه ونظراتك = أهيم بعالم (الاشواق) والدمعات تسبقني
أحس أنك معي في خافقي وتزيد نبضاتك = وأحس أنك بعد مثلي تبي قربي وتعشقني
تذكّر يوم (ضمّيتك) و تمسحنى براحاتك = وكنك من كثر (شوقك) تولعنى وتحرقني
تعال أرجع لحبك يا (الغلا) لا تزيد عبراتك = تعال ابغاك تحييني (حبيب القلب) صدقني
.................................................. ...
أرسل رسالة يا (الغلا ) تشرح البال = مشتاق أنا أقرا في (جهازي) رسايلك ..!!!
.................................................
ياللي طعنت (القلب) وتقول مدري = قلب ٍ طعنته يعلن اليوم فرقاك
برحل و لو الوقت لا زال بدري = (بعز نفسي) دام هذي سواياك
و بكره مع (الايام) بتشوف قدري = وتندم على (فرقاي) وتضيق دنياك
.................................................
عشّاق ( ماسنجر) و (شاتٍٍ) و (بالتوك) = ماهوب (عشّاق الغرام) الحقيقي ..!!!