لا ضاق (صدري) جيت للطيّب فلاح = رفيقي اللي بالمواقف خابره
ماهو كما اللي طيبه بكثر الصياح = لا كاسرٍ عظمٍ ولاهو جابره
(فلاح) مثل السيف في وقت الكفاح = بحر (المراجل) و(المكارم) عابره
يا (بوسعود) (العازمي) والجدر فاح = (الصدر) ضايق والليالي غابره
ماهيب طعنت سيف يدمي للجراح = طعنت وليفٍ بالمحاني عابره
من حر طعنتها أشوف (الدمع) طاح = وجيوش همي والجروح مثابره
ما بحت سره غير للوجه الفلاح = وإلا عن (العذال) سره قابره
مشيت له مشيت وفاء ليل وصباح = هرج (العواذل) فيه قاطع دابره
عشرة (عمر) ماهيب عشرة يوم راح = فيها (القلم) تشكي على محابره
وأن قلت أبصبر وأبتعد عقب النياح = ( مشاعر) المفتون ماهي صابره
(الوصل) نعمة و(الهجر) سمٍ ذحاح = وأنا طريق (الهجر) بيدي شابره
الله يسامح من طعنّي بالرماح =وأقفى وأنا للحين (عيني) سابره
وسلامتكم