الحمـد للـي مدّنـي بالعقـل والـراي السلـيـم=في وقت مايعتاش فيه القـرم وتعيـش الضعـوف
يا الله لطفك فالزمان الشيـن يـا الـرب الرحيـم=من قبل شمس الحق تمسي عقب مابان الكسـوف
صار(الشعر) سلعـه تبـاع وتشتـرى والله عليـم=بعدين تفتح لـه وكالـة بيـع مـع دف الدفـوف!!
تشربك الحابـل مـع النابـل وطيّـب مـع لئيـم=وسعر الحرير يعادله لحظة جهل متريـن صـوف
أشوف (بالساحه)عجايب من رجال ومـن حريـم=عيني تشوف وغيري (الشعـار) بالواقـع تشـوف
أحزاب فيها عنصريّه والمصالح هـي خصيـم!!=أقرا عددهم لاصـدر وتشـوف بالعيـن وتعـوف
شعّار تنصب في صورها بالعدد مـن شـان ريـم=(مكياج وفلاش وعيون مكحّله مثـل الهنـوف!!)
وشمـاغ راقـي وارد البسـام بوصوفـه عديـم=كن الامارة فـي عيونـه معلنـه حكـم السيـوف
(نظرة كبر) هاقي بنفسـه شيـخ للشعـر الحكيـم=وهوا يكسّر بالقصايد..شاطـر بصـف الحـروف
لافكـر لامنطـق ولا منهـاج والمعنـا سقـيـم=الأسم شاعرمير عند الشعر جاهل ومحـذوف !!!
تلميـع مـع تطبيـل للأشخـاص وأفهـم يافهيـم=(مشروع شاعر) في نظرهم ماشيّ حسب الظروف
(رئيس تحرير المجلـة) عاجبـه لأنـه وسيـم!!=وإلا (الجزاله) تستريح هناك في سطح الرفوف!!!
و(الشاعره) ينشر لهـا لا هـب للغربـي نسيـم=تكتب لها الأبيات من حضرة جنـاب الفيلسـوف!!
بالصفحة الأولى لها (مانشيـت) عنوانـه عظيـم=(الامبراطوره) في بدع (الشعر) متعبت الحروف!!
ولا شفت صورتها تقول الستـر يـا الله الكريـم=الوجه واللبس أجنبي والأسم بالصفحات نوف!!!!
و(الأمسيات) : مدبلج الجمهـور والمشهـد عقيـم=شلني وشيلك والمعاني خلّهـا تسـري تطـوف!!
نفس الوجوه ونفس ترتيب الكراسي سيـم سيـم!!=ونفس القصايد ماتغيّـر شـي لـو زاد العـزوف
ولوّك تعارضهم بمنهجهم تصيـر إلهـم غريـم!!=ولوّك تجاملهم على الـزلات شالتـك الكتـوف!!
يا (ريّس التحرير) يا(حزب المصالح) يـا اليتيـم=مكشوفه أوراقك لكـل النـاس دايـم ومعـروف
الشعر بأسبابك ومـن شـرواك غـادي كالهشيـم=الشعـر يتبـرا مـن أمثالـك ويعلنهـا ألـوف..؟
ما أنته كفـوا للكرسـي المرمـوق ياعبدالحليـم=أرحل وخل الشعرلأهل الشعر وأجلس بالصفـوف
الشعر حبك وسبـك وأبـداع وجزالـه ياغشيـم=ماهو بمكياجٍ ولبس وشكل مـع ضـرب الكفـوف
موروث لأهل الطيب والمعروف من عصرٍ قديـم=يوم المشاعر صادقه والقاف خاضـع ومعسـوف
طبعـا أخـص ولا أعـم الكـل بالطـرح الأليـم=الشين شين بمنظـره والزيـن كامـل بالوصـوف
هذا الصحيح اللـى نعرفـه والمعانـي بالصميـم=أقولها من هاجـسٍ صـادق ولا يدخلـه خـوف