وداع ياأحلى ليال الحب في العصـر الجديـد=وداع ياأطهر غـرامٍ معتلـي هـام السحـاب
وداع يانبض المشاعر والغلا وأجمـل قصيـد=وداع ياروح الطفوله فـي حياتـي والشبـاب
وداع يارمز الترف والغنج والحسـن الأكيـد=وداع ياسود العيون وخـد يجرحـه الضبـاب
وداع ياأعذب شفايف طعمهـا سكّـر حميـد=وداع ياأبلغ كلام الحـب فـي أغلـى كتـاب
دام الفراق برغبتك بعلـن رحيلـي والشديـد=برحل من رياض الغلا وأنزل مداهيل العـذاب
بجمع شتاتي والألم ينزف مع حبـل الوريـد=بتيه بالدنيـا وسجلنـي مـع العالـم غيـاب
بذوق كأس الهجر من اجلك ولو روحي تبيـد=بمشي بخطوات الحزن بالدرب من دون ارتياب
أبعتزل دنيا الغلا واعيش مـن بعـدك وحيـد=أخاوي جروح الزمن والهم لي يوم الحسـاب
ولارضى بغيرك حب لو تبعد عن عيوني بعيد=القلب مايرضى بغيرك حب لو طـال الغيـاب
والله يعين القلب في ذكراك يا التـرف الفريـد=لاهب نسناس الشمال وعانق زهور الهضـاب
في ليلةٍ كلن مـع غاليـه مسـرور وسعيـد=يقطف زهور الحب لاهـم وعـذاب ولاعتـاب
أكيد ببكي غيبتـك والقلـب متعبـه النهيـد=واقول للماضى كفايه آه من طعـن الحـراب
وكفكف أدموعي وأهز الراس وجروحي تزيـد=وأضرب بكفي كف وردّد على القلب الجـواب
وداع يا نسمة غلاى وبسمتي يا أغلى رصيـد=وداع ياأجمل بنـات البـدو تلعـات الرقـاب