قصيده بمناسبة حفل زفاف الاخ : مبارك بن محمد بن متروك البريكي العازمي في مدينة السفانيه .
سلام يا ربعـي هـل العليـا كعـام العايليـن=أعداد ما لاحت بروق الوسـم وسـط خيالهـا
ربعي (أعيال العود) ساس الطيب عوق المعتدين=اللابـه اللـي صيتهـا ذايـع بطيـب أفعالهـا
(أهل المعقّل) محتمين (البوش) مروين السنيـن=كم لحيةٍ من ضربهم وقـت اللقـا يرثـى لهـا
رمز الشجاعه متعبين الخيـل خطـلان اليديـن=كسّابت النوماس والعليـا غصـب ترقـى لهـا
ريف الضعيّف مكرمين الضيف من سمن وسمين=والجار له حشمه ولـه تقديـر حالـه حالهـا
أهل الوفا في عصرنا الحاضر وعصر الأوليـن=والنعـم فيهـم لابتـي شيبانهـا وأعيالـهـا
من نسل(عازم) من (بني عامر)هل الفعل اليقين=تاريخهـم وسـط الجزيـره سطّـروه رجالهـا
(عوازمٍ) مثل الجبـال النايفـه طـول السنيـن=ماهزّهـا صلـف الهبايـب ثابـتٍ منزالـهـا
أليا أعتلوا فوق(الرمك) غصبٍ على الكايد يلين=والنـار مـن شبابهـا والخيـل مـن خيالهـا
(إقويع)مـر الكبـد للغـازي وسـم البـاريـن=و(غياض) لاكبـرت عليـه المشكلـه حلاّلهـا
تاريخهم يشهد لهم بالمجـد والنصـر المبيـن=يوم (الحرايب) في زمان الجهـل زاد أشعالهـا
ولوني كتبت الشعـر فيهـم ينحنـي للفايزيـن=هيبه وحشمه للرجـال اللـي كـرام أسبالهـا
جيت الحفل ودي أشارك فرحة الرجـل الرزيـن=وأبدع جزال بيوت شعري مـا ألتفـت لهزالهـا
مبروك يا(مبارك) زواجك ياعسى حظـك يزيـن=وليل السعد يا الله عسى يظهر عليـك هلالهـا
الله يبـارك لـك ويرزقـك العيـال الصالحيـن=وتجني ثمرهـم بالليـال الحاضـره وأقبالهـا
تستاهل العليا صميدع مـن رجالـن غانميـن=ربعٍ في وقت اللازمـه دايـم طـوال أحبالهـا
وافي يا (بومشعل) طويل اشبار لأصحابك عوين=مثل الجمـال إليـا ابركـت للكايـده تشتالهـا
كريم سبلا بالعطـا مـدّك مـع العالـم ثميـن=ماقدمـت يمنـاك ماتظهـر عليـه اشمالـهـا
حاوي علوم المرجله والطيب لك سـدٍ حصيـن=مجلسـك عامـر والـدلال معانقـه فنجالـهـا
تذبح وتسلخ لا لفاك الضيـف يـاذرب اليميـن=يوم الردي يمنـاه تقصـر ماتسـوق اريالهـا
الله يعز أهل السلوم الطيّبـه فـي كـل حيـن=اللي تنومـس ربعهـا دايـم بطيـب أعمالهـا
واختامها صلوا على خير البشر يـا المسلميـن=الهادى الصادق شفيـع النـاس يـوم أهوالهـا