قصيده قلتها عندما كنت ضيف ثلاث ايام عند الشيخ محمد بن صقر القاسمي حفظه الله في امارة راس الخيمه .
ويعلم الله انى ماوفيتهم حقهم لأنهم شيوخ وافين وكرماء وطيبين وتعجز الابيات عن مدحهم.
مير المثل قال الجود بالموجود........
سـلام ياشيـوخٍ لهـم بالمجـد والعليـا مقـام=سلام يارجال الكرم والطيب والعقـل الرزيـن
سلام يا أهل الخير والأسـلام ورجـال المهـام=سلام ياعز الوطن والديـن مـن مـر السنيـن
سلام يا ساس العروبه يـا الزحازيـح الحشـام=سلام يانسل (القواسـم) يـا الشيـوخ الغانميـن
أعداد ماغنى على روس الشجـر ورق الحمـام=وأعداد مزنٍ هـل وبلـه فـوق دار المسلميـن
أقولهـا مـن قلـب ولسانـى بقولـي مايـلام=الطيّب اللى مثلكـم غصـبٍ لـه ابياتـى تليـن
غصبٍ قصيدي ينحني هيبه لكـم قبـل السـلام=ويبدع لكم جزل القوافي من بحـور المبدعيـن
أنتم هل النوماس والماجوب من نسـل الكـرام=معربيـن الجـد مـن عـم وخـوال ووالديـن
أفعالكم مثـل النجـوم العاليـه فـوق الغمـام=يشهد لكـم تاريخكـم بالعـز والمجـد الثميـن
أنتم حماة الدار لا ثـار الفشـق يـوم الزحـام=لطامـت العايـل صناديـدٍ كـعـام العايلـيـن
تاريخكم يفخر به الشعب الوفـي مليـون عـام=شيوخ في سلم ورخا وشيوخ في حـد السنيـن
عمرتوا الديره وصـارت للبشـر مثـل الهيـام=كلٍ يكن الها غلا محفوظـةٍ فـي وسـط عيـن
في ظل(شيخ الدار صقر القاسمي) عوق الخصام=الدار تبقى شامخـه فـوق السحايـب ماتليـن
شيخٍ حكم بالعدل والأنصـاف شعبـه مايضـام=حلاّل عقـدات الأمـور الكايـده شيـخٍ فطيـن
مثل الجبال الراسيه ثابـت علـى راس النظـام=صيته ظهر وسط الجزيره من شمال ومن يميـن
سياسي محنك حكيـم ولابنـاء عـاف الهـدام=سيفٍ مجرّب باللوازم والعـرب بـه سامعيـن
يالله عسى عمره يطـول وللبلـد يبقـى الأمـام=رمز الشجاعه والكرم والطيب عوق المعتديـن
وأذكر (محمد شيخ وافى) لا وقف مثل الحسـام=حلحيل شغمومٍ صميدع مـن شيـوخٍ صامليـن
كريم سبلا بالعطا حـرٍ علـى الجـزلات حـام=هداج تيمـاء بالكـرم لا ماقصـر مـد اليديـن
مجلسه تنصـاه النشامـا عامـرٍ فيـه أزدحـام=العود الأرزق فيه فايح مـع زهـور الياسميـن
شيخ متواضع عند شعبه ماخـذن كـل أحتـرام=ريف الضعيف ومزبن المحتاج عـون المبتليـن
يالله عسى له في جنان الخلد عنـد ربـه مقـام=في جنة الفردوس يحشر مع رجـالٍ مصلحيـن
و(الشيخ طالب) قايد (الأمن) الوفـى لا ماينـام=يسهر على راحـت بـلاده محتميهـا باليميـن
ستر العذارى وافـي الأشبـار لا زاد الصـدام=سـمٍ ذحـاحٍ للعـدوا علقـم لكـل المفسديـن
رمز الشجاعه والوفاء والطيب ماخذ به وسـام=والنعم به شيخٍ وفـى للـدار قـاد المخلصيـن
(أبو على) مشهود له بالطيب مـن كـل الأنـام=يالله عسى الجنـه مقامـه عنـد رب العالميـن
وقال المثل هذا الشبل من ذا الأسد مابـه كـلام=(الشيخ عبدالله) سلـك درب الشيـوخ الأوليـن
سلك طريق الجـد والوالـد وخالـه والعمـام=وأصبح مابين الناس صيته ينذكر في كل حيـن
يا الله عساكم للوطن ياشيوخنـا ستـر وحـزام=ويالله عساكم عنـد رب الكـون دايـم فايزيـن
وأختامها صلوا على محمد عـدد وبـل الغمـام=الهاشمى سيد البشـر خاتـم جميـع المرسليـن
الشاعر : خالد بن سكران
(( قصيده في شيوخ راس الخيمة ))
( تقرير عن مشاركة مخالفة ) ، و الموجودة أسفل كل مشاركة .