من الطواريق القديمه
خالد بن سكران :
,سلام الله عليكم يا(خزامى نجد) يا الحـــرّه = عدد ماغنّت (الورقا) على يبّاس الأغصانــي
ألا يا أحمد تقدّم والخبر ماذاع لك ســرّه = عيونك في (قطـر) تنظـر وقلبك صوب لبنانـــي..!!!
احمد الخياط:
سلامك ما يجنبها خزامى نجد يادره=ولكن كيف ياخالد من الماجوب تنساني
الا ياكثر ناسن فالمساري تتبع الجره= ترى ماهمني بالدرب لاعورن وعمياني
خالد بن سكران:
نبا نسري على (ضو القمر ) ونكمّل الفــــرّه = وحقّك تعرفه عندى كبير وشانكم شانــي
بعد مازان لك برد البلد واقفيت عن حـــرّه = تقاسم (روس الموالي) معا الاقصين والدانـــي..!!!
احمد الخياط:
نبا نسري على نور القمر ونعاود الكره=ولك حق ثقيل وراجحن في كل ميزاني
تقوله والبلد معروف خيره ماسبق شره= ولكن النوايا تختلف من بين الاخواني
خالد بن سكران:
نعرف ان (الحلو حالي) وطعمه غير بالمــرّه = أعوذك بسم رب الكون من فاسق وشيطاني
ترى من هو سكن (بالشام)مايجهل إذا مــرّه= ومن يجهل يبا يقرا الخبر في كل عنواني
احمد الخياط:
يمرن الليالي والليال السود مفتره= ثلاث ايام والبارق سنا برقه بالامزاني
ترى مالي مع اهل الشام ياخالد ولاذره= انا مثلك واناظر فالورود بكل بستاني
خالد بن سكران:
تبا تبرق وتمطر مير زرعك خابرٍ بــــرّه = اكـــله (الدود والسوسه) ولا رابح وخسرانـــي
ذهبك اللي بصندوقك نصيحه طيعني صـــرّه= قبل يسرق وتبلشني بسرقه بين الأعيانــي..!!
احمد الخياط:
ترى شرقك بحر لكن جنوبك خابرن بره= ولكن من معه حجه يثبتها ببرهاني
انا ودي تسر حمود لكن شورك يضره= اخاف انك تعوًد مامعك ناقه ولا حصاني
خالد بن سكران
عيونك وش بلاها في دقايق جات محمـــرّه = الا ياكبرها عندى بعد جريت الألحانــي...!!!
انا جيتك على (وضح النقا) ماجيتك بغــرّه=انا ودى تسوق (الذود) لأجل الفود يافلانــي
احمد الخياط:
على هامان يافرعون فك ازرارك وزره=ترى ماطافت الوزنه ولاتامر وتنهاني
كفانا الله من خالد وشرباكه مع احفرًه= عسى الله يرحم سليمان ومطلق مع لويحاني
خالد بن سكران:
تهد الحبل يا (الخياط) والا بحيلك تجــره=عليك الحمل مدبولٍ تشيله يابليهانـــي
نشب النار في راس الجبل والجمر بتكـرّه= واذا زادت حرايقها تعزوى بسم جدّانـي
احمد الخياط:
رقص شيطانك ويرقص معاه العود ابومره=يبا يضحك لك بسنه وقلبه قلب قوماني
معك حيلن وابك حيله وعمك بره وسره= بعد ماطاف علم العام ابدبلك خبر ثاني
خالد بن سكران:
فهمت العلم بالفطـره علامك ليه ما تقــرّه...!!=بعد ماكنت لي صاحب خاويت اليوم عدوانـي
تقيس الارض بذراعك وبعده حلّل الـــذرّه=واذا شفت العدد ضابط معـك.. تعرف به الجانـــي...!!!
احمد الخياط:
اذا منه بدالك علم هاته قدمي وطره=انا محتار في قصرن كبير بغير بيباني
تنام الرووس في هذا الزمان وشاخت العره=على خبرك جمعناها وصار الزود نقصاني
خالد بن سكران:
علام احمد بعد شاف (الذهيبه) شقّــق اغتـــرّه= أنا مدري علامه ضايـقٍ والعلـم له بانـــي
ترى المرضان له عندى صعوط وتلحقه مـــرّه= اعرف الصاحي العاقل واعالج كل مرضانـي
احمد الخياط:
بعد برق الحيا جيان شرق منك مخضره=انا مرتاح وادري بك شجاع بكل ميداني
حرارة جسمك الليله عن المعيار محتره= وانا سالم سليم الحال ورب الكون عافاني
خالد بن سكران:
اشوف الروض به وردٍ جميل وداخله هــــرّه= و(ذيب) الضلع جر أعــواه يا الخياط جيعانــي
أبطوّف لك الزله وأحبّك باسفــل الغـــرّه = مدام اني بصوم الشهر أبلعـن كل فسقانـــي
وسلامتكم