احمد الخياط :
مساء الخير وسرى ليلي الا ياليل مابك نور=يقولون القمر غايب ونجم سهيل في مسراه
مسا الخير وسرى ليلي على البحار والبابور=ليا منه غرق خالد صحيبه ماغرق وياه
خالد بن سكران :
مساء الخير وسرى ليلي وأنا ياصاحبي مسرور=مدام أن القمر غايب نشوف الشمس في مذراه
مساء الخير وسري ليلي وبه صاحي وبه مسحور= وخالد ياعميـل الخير لاضاقـت تبا تلقاه
احمد الخياط :
مسا الخير وسرى ليلي تحوم طيور فوق طيور=وراع الطير الاقصى ضاع طيره عقب ماعشاه
مسا الخير وسرى ليلي وسفرتكم ثلاث شهور=تضيق وتنفرج خالد و له شيخه فعل يمناه
خالد بن سكران :
مسا الخير وسرى ليلي وشوف الحر والعصفور= وكلٍ ماخذٍ رزقه من الرحمن يوم اعـطاه
مسا الخير وسرى ليلي شهر خير وثلاث دهور= وابصبر والصبر بعده فرج ياصاحبي نجزاه
احمد الخياط :
مسا الخير وسرى ليلي صحيح ان الزمان يدور=بليله سرمديه لاسرى خالد يعرف خطاه
مسا الخير وسرى ليلي بلينا بالعمي والعور=ابو قلبٍ بليد ليا عطيته علم في عمياه
خالد بن سكران :
مسا الخير وسرى ليلي صراحة ماحكيت الزور= صحيح العقل مايخطى ليا منّه نوى ممشاه
مسا الخير وسرى ليلي وراجع يا احمد الدكتور= الا ياكثر مرضانه ولاكـن مايفيــد ادواه
احمد الخياط :
مسا الخير وسرى ليلي سرى مطلق مع مستور=وابن سكران طاروقه قبل يومين ماغناه
مسا الخير وسرى ليلي عسى الله يشفي المجدور=ولكن لايجي صوبه ترى من يقربه عاداه
خالد بن سكران :
مسا الخير وسرى ليلي وجعله مايجيك الدور=وتبلش باخر ايامك معا خبلٍ بليّا جاه
مسا الخير وسرى ليلي وناصر ماجهل منصور= كتابٍ كاتبه ياأحمد قبل عامين لك نقراه
احمد الخياط :
مسا الخير وسرى ليلي عسى الله يرحم المقبور=بعد ماكبروا فوقه نحر له حي ابه عزاه
مسا الخير وسرى ليلي عسى مثلك يطيع الشور=ردي الحظ من ينقل ياخالد داه وسط رداه
خالد بن سكران :
مسا الخير وسرى ليلي لحد وسط البلد محفور =سكن به من سكن تكفا بلاش ترد لي دعواه
مسا الخير وسرى ليلي تركّد لاتجي مطيور= ردي الحظ ماليبه نصيب ولانويت انصـاه
احمد الخياط :
مسا الخير وسرى ليلي بنيت السور جنب السور=وسور مقابل له سور وانت تناظر بمبناه
مسا الخير وسرى ليلي هجرت الوادي الممطور=بعد ماحج خالد يقبل الله حجه ومسعاه
خالد بن سكران:
مسا الخير وسرى ليلي أناظر بك وانا مجبور= اقول الله حسيبك كيف عنى ماجرى تخفاه
مسا الخير وسرى ليلي قطفت زهوره المذكور=وذا الحينه نبا نرحل وكلٍ عارفٍ مشهاه
احمد الخياط :
مسا الخير وسرى ليلي عبرت بحور عقب بحور=واذا منك نقلت من الحصى كلٍ على دعواه
مسا الخير وسرى ليلي تذم غليص ياالمنعور=ليا منه وقف كلٍ صفق يمناه في يسراه
خالد بن سكران :
مسا الخير وسرى ليلي ترى عنتر جهله الثور= حقيقه ثابته مثل المزون اللى تحدّر ماه
مسا الخير وسرى ليلى قريت النص بالدستور=ومن خالف بنود الشرط يا احمد يبتدي شكواه
وسلامتكم