أحـبــك حـــب صـافــي لاذكـرتــه للـبـشـر يـنـحـب= عـلـى وضــح النـقـا حـبـك بنيـتـه وأرتـفـع قــدره
خفوق القلب ينبض لـك غـلا وأنتـي لـه المطلـب=وأبــد غـيـرك خفـوقـي مـاطـرالـه بـالـغـلا ذكـــره
ملكـتـي كــل أحاسيـسـي صـراحـه قلتـهـا مـكـذب=أحـس أنـي أنــا وأنـتـي حبـايـب حيل بالفـطـره
يضيق الكـون فـي عينـي إذا غبتـي ولا أستغـرب=لأنـــك فـرحــة أيـامــي بـدونــك دنـيـتـي عــســره
وإذا كنتـي معـاي أنسـى جميـع الخلـق مـا أتعـب=مدامـك نبـض شريانـي.. خفوقـي تملكـيـن أمــره
أعيش العمر من أجلك ولو شمـس الغـلا تغـرب=لأنــي عـاشـقٍ مـغـرم كـفـن روحــه عـلـى قـبـره
خيـالـك دايــم بعيـنـي عـلـى وتــر الـغـلا يـضـرب=وبحر الشعر من أجلك يفيض مـن الـدرر شعـره
قصايـد عاشقـك (خالـد) تبيـن الصـدق ماتركـب=عـلـى غـيـرك ولــو أن القـصـايـد فـيــه منـبـهـره
قصيـدي كـل حـرفٍ يكتبـه فــي حضـرتـك يسـلـب =عقول أهل الهوى لامن قرت وصفك على سطره
تراقـص لـك قوافيـهـا القصـيـده واللـحـن يـطـرب=وأنا مالـوم كـل بيـتٍ سبـب وصفـك ظهـر سحـره
خفيفـة ظـل فـي مزحـك وفـي جـدّك أكيـد أصـعـب =وفـي صوتـك أحـس أن البقـا والمـوت لــه نـبـره
وفـي عينـك أشـوف الليـل والقمـرا علـى تـقـرب =وشوف العشق والعشّاق فـي عينـك لهـم سهـره
وأشوف التـوت فـي داخـل شفاتـك منظـره يجـذب =وفي خدّك (نهـر دجلـه) علـى شطّـه كـذا زهـره
وخصـرك غصـن مـوزٍ كـل ماهـب الهـوى يلعـب=يداعـب نسمـة أزهـار الربـيـع أف ليـلـةٍ مـطـره
تبيـن الصـدق ياعمـري بعيـش العمـر أنـا أكـتـب =أحـبـك مــوت يــا أجـمـل هـنـوف الـبـدو يامـهـره
فداك المـال ياعمـري... فـداك الـروح لـو تذهـب =فـداك اللـي نـسـى خـلّـه وبــاع الـحـب والعـشـره
على عهد الوفـا باقـي ومـن كـاس الغـلا بشـرب =وحب أهل الشرف يبقى على طول الزمـن عبـره
وأنــا ماهمـنـي عــاذل ولــو الـنــار بـــه تـشـتـب =مــدام أن الـغـلا بـاقـي يـمـوت الـعــاذل بـحـسـره