ياللي تبيني ولا ادرى وش تبي فيني =هرجك معي غير عن باقي حركاتك
مره تجيني غلا وأمرار ناسيني = أتعبتني بين روحاتك وجياتك
أن كان قصدك تعذبني وتشقيني = تعال شوف بخفوقي جرح طعناتك
تدمي جروحي وتنزف من شراييني = ويضيق صدري وتجرحني عباراتك
لو أحبس الدمع تحرقني براكيني = ولو أرفع الصوت ماترحم بوقفاتك
كنت اسهرك ليل وادموعي تباريني= وأعيش يومي وأنا انطر تسمح أوقاتك
حزني وجرحي وغربالي مخاويني = وألا أنت ميت مشاعر حبك لذاتك
صبرت لأجلك وصبري ما يكفيني = راحت سنيني وروحي في مناجاتك
عطيتك سنين حبي وأذكر سنيني = يومك على شوفتي تسرع بخطواتك
حلفت لي للنهايه ما تخليني = تمشي على خاطري من قبل رغباتك
رفعت قدرك وغيرك طاح من عيني = وأبكيت ناسن بشعري تبكي أبياتك
كنت احسب انك تغلا وانت باغيني = واثر التصنع حقيقة من علاماتك
واليوم راجع على فرقاى تبكيني = نسيت ظلمك وطغيانك وهفواتك
خلاص قدرك نزل ماعاد تعنيني = ماعاد ينفع تبرر كل غلطاتك
خلاص مات الغلا لا عاد تطريني = ألغيت من دفتر العشاق صفحاتك
وسلامتكم