ليلة الفرقا فلا جات في بالي = مير هالليله نويت أعلن أفراقك
ما جرالي منك يا الصاحب الغالي = هز قلبن يعشقك وأحرق أوراقك
أتصل وأرسل ولا فاد مرسالي = وأبعث أشواقي ولا توصل أشواقك
في رجا ردّك وعيني بجوالي =والرسايل في رجا يشرق أشراقك
راح عمري بين راحل ونزالي = الجروح أوساع والطب ترياقك
وأنت ما همك ولو زاد غربالي = ترقد عيونك ولا تشكي أرهاقك
دالهن مرتاح في دنيتك سالي = والشقي لي يوم حظي على ساقك
لا تعذر في ظروفك والأحوالي = المصيبه والبلا داخل أعماقك
قلبك اللي عن غلا عاشقك مالي = ماحفظ (عهد الغلا) يوم يشتاقك
شفت منزالك عقب شفت منزالي = وأنكشف سرّك ولا يستر أرواقك
أنتهينا و(الوصل) مابه أوصالي = روحي للي عن غلا عاشقك عاقك
روح في حالك وبروح في حالي = والليالي تخبرك قدر عشاقك
لاح برق البعد والوبل همالي = وأنت مزنك صيف لو لاح براقك