(( سكرانيات رقم 4))
يا للاسف ماعاد ينفع كلامك = ماعاد يبرى (قلب) بيدك طعنتيه
برحل جريح (القلب) وأنسى غرامك = وألقى لقلبي من يوده ويغليه
كنتي غلا (قلبي) وعالي مقامك = واليوم قدرك طاح يومك خدعتيه
....................................
هذا (شهر) عدّى ولا شفت مرسال = مدري ظروف الوقت وإلا قطاعه
أن كان مشغلها عواقيب الأحوال = (الصبر) واجب والليالي طماعه
وأن كانها راحت ولا جيت فالبال = ماعاد ينفعني كلام وشجاعه
بقفي كما يقفى عن الدار رحّال = ماعاد له بالدار ربع وجماعه
يا (بوسعود العازمي) يتعب الحال= (الصدر) ضايق و(المشاعر) مجاعه
.......................................
لله درك يا (الغلا) يا أجمل أنسان = يا مالك أيامي وكل المشاعر
أن جيت لي بفرش لك (القلب) بستان = وأن غبت بعلن للبشر موت شاعر
تدري (أحبك) موت من قلب وإلسان = أقولها بأحساس في بيت عابر
.......................................
جيتي وانا غرقان في بحر همي = وبيديك شلتيني على جال الأفراح
قبلك وكن (الحزن) يجري بدمي= و (الهم) كنه يطعن (القلب) برماح
وجيتي (غلا) و (الشوق) يدفعك يمي = وأنا (بشوقي) جيتلك و(الغلا) فاح
ضمي (حبيبك) داخل (القلب) ضمي = وأخذي ( خفوقن) في ملاقاك يرتاح
يفوح لك (ورد الغلا) عطر شمي = وأقطف من (البستان) مانجا وتفاح
وأتيه في (حبك) وينزاح غمي = وأعيش معك (العمر) في جد ومزاح
يا (نور عيني) يا (غلا القلب) سمي = فداك (روحي) يا بعد كل الأرواح