(( نبض القلب))
مهما حصل تبقين للقلب نبضه = واللى خلق زينك حياتى فداياك
متربعه بالقلب طوله وعرضـه = مشاعري تبقى تحت حكم يمناك
...................................
((كيف أنساك وانت معاي بكل لحظه))
لو شفتني غايـب وصديـت عنّـك = تبقى معي من ويـن مالـد عينـي
تدري وش أنته يا(غلا القلب)..؟ كنّك = روحي ونبضي والاحاسيـس فينـي
.............................
(( للظروف أحكام و للصبر مفتاح ))
أن كنت ما أنته مقدّر ظرفـي الطـارئ = وأنته (حبيبي) وتعرف معظم ظروفـي
هذي مصيبـه ويشهـد ربـي البـارئ = أنك جرحت (الخفوق ) وضاعت حروفي
.............................
(( عهد للأبد ))
أخذ (العهد) مني ولا هي دعايـه = معاك طول (العمر) مدامني حـي
مخلص وفي لك ( بالغلا ) للنهايه = وكل (العذارى) في عيونى ولا شي
.............................
(( أجمل ليال العمر ))
تدري ويش أجمل ليال العمر يا الغالي = ساعة لقاء بيننا مـا حولنـا ديـره
اقطف ورود (الغلا) من كل الأشكالـي = وتسقيني الشهد به ويزيـد تخديـره
هذا متـاع الغـرام بكـل الأحوالـي = جمعه وشوق وحنان وعطف مع غيره
...............................
((عرفت وش كثر الغلا ))
أصحى من النوم وفتّـش بجوالـي = أنطر مسج منك وإلا رقـم جوالـك
لا واهني (خطي) المحظوظ وأرسالي = لا ولعت (شاشته) تعلن عن أرسالك
عرفت وش كثر ما تطري على بالي = وأفز من مرقدي وأنشد عن أحوالـك
والله (أحبك) و (حبك) منزله عالـي = ياللي في وسط الحنايا العوج منزالك
..............................
(( سامحني ))
أبي منك السموحه يا (الغلا) لو شفتنى زلّيت = ومثلك يدمح الزلـه ولا يرضـى يزعلنـي
أحبك حب ما مثله حصل بين البشر من جيت = أحبك حب صافي يا (حبيب الروح) جملنـي
(( تحياتي ))