كذبـت لـك كذبـه وصدّقـت كِذبـَـتـك =وبنيت لك في كذبتـك كـم مشـروع
ماتدري أنـي عـارفٍ ويـش لعبتـك = وأني أعرف أنك مخادع ومخـدوع
من عقب كذبك ضاعت اليوم هيبتـك =و قدرك نزل من عقب ماكان مرفـوع
أغواك شيطانـك علـى نفـس حبّتـك = ومشـيـت دربٍ للمحـبـيـن مـمـنـوع
ماعـاد يمديـك العـذر عفـت طلبتـك = قلبي سمح والدين مقضي ومدفـوع
مـن فعـل يـدّك بانـت اليـوم خيبتـك = وشريط كذبك للعرب صـار مسمـوع
تلعب على الحبلين وتخون صحبتـك= أنهيت حــبٍ بينـنـا كــان مــزروع
أن كان نفسك فـي خطايـاك ربّتـك= أبشر ترى حبل الوصل عنك مقطوع
طويـت صحفـت حبّنـا عقـب غيبتـك =وثوب الغلا عن مثل شرواك منـزوع
ولاتحسب أنـي بسهـر الليـل سبّتـك =وإلا بهـل الدمـع عاشـق ومفـجـوع
لا والــذي بـيّـن خفـايـا مصيـبـتـك = أنـه فـلا يطـري علـي حـب مبيـوع