ياحبك لجرحي وتدمير ذاتي = وأنا الوحيد اللي من الناس صانك
راحت سنيني في رجاك وحياتي = وأشوف طبعك مايشابه حنانك
..................................................
وشلون ما لومك وكنّك من أعداي = ترتاح في تعذيب قلبٍ نسيته
تقطع مراسيلك ولا تسمع الراي = وتقفي ولاكنّي حبيبٍ هويته
.................................................. ....
مشكلتي أني أشوف الناس بعيونك = من وين مالد عيني شفتك اقبالي
ومشكلتي اني حلفت أموت ما خونك = أصون (حبك) ولا أسمع فيك عذالي
ومشكلتك انك نسيت اليوم مضنونك = وأنهيت عهد (الغلا) وأخليت منزالي
هذا جزاء (الحب) و(الاخلاص) لعيونك = الصد والهجر والحرمان يا الغالي
ارسل لك (ابيات) شاعر صار مجنونك = ذكراك تبقى معه في كل الأحوالي
.................................................. .............
يا للاسف ماعاد ينفع كلامك = ماعاد يبرا (قلب) بيدك طعنتيه
برحل جريح (القلب) وأنسى غرامك = وألقى لقلبي من يوده ويغليه
كنتي غلا (قلبي) وعالي مقامك = واليوم قدرك طاح يومك خدعتيه
.................................................. .....
ما بيع (جوالي) ولو بألف دينار = حتيش لو أنه بليّا بلاتوث
نعم (الجهاز) اللي حفظ كل الأسرار = (سفير حب) وللغضي خير مبعوث
يا لايمي في (نوكيا) مالك اعذار = من هرجتك يا لايمي صرت مغثوث
.................................................. ...
دام راســـي حـــي مـالـدّيـت لـلأنــذال عـيـنــي = من يميني كاسـبٍ رزقـي وعـزّي فـي حزامـي
أحمـد الله ماطلبـت الـنـاس لقـمـة فــي يديـنـي = في رجا الله مرسل الأمطار في سود الغمامي
أحـمـد الله منـزلـي عـالـي وربـعـي خابـريـنـي = سالكـن درب الحـلال وعايـفٍ درب الحـرامـي
ماسرقت أموال غيـري يـوم غيـري طامعينـي = الأمـانـه شــرع ربّــي والنـبـي دايـــم إمـامــي
والوفاء طبعي وطبع أهل القلوب المخلصيني = والخيانـه مـن سلكهـا ما بنـاء بـيـتٍ هـدامـي
والمـراجـل دربـهـا درب الـرجــال الغانمـيـنـي = أحمـد الله لـي قـدم فيهـا وماخـذ بــه وسـامـي
والـكـرم سـلــم الـرجــال الطيّـبـيـن الأولـيـنـي = مانسيته حافظه مـن والـدي وأصغـر عمامـي
.................................................. ....
تدري ويش اللي يحز بخاطر العاشق = أن أقرب الناس عنده يجرح أفـؤاده
تحياتي