بكره أذا نــادوا مــع النـــاس بأسمي =قولي عسى الله يذكر الأسم بالخير
كان الوفــا.. كان الأمـــل.. كان حسمي =وكنــت الجروح.. لقلــب كله تباشير
وأوعدك لشيلك من عروق جسمي =وأنسى غرامك دام رحتي مع الغير
لا صار رسمك ما يشابه لرسمي =وش لي بوصلك والتعب والمشاوير
وأنتـي تعرفيني ومعروف وسمــي =لا قلــت (فرقــا) ما تفيـــد المعاذيــر
طبعي كذا يا بنـت في (الحب) رسمــي =اللي يخون أنســاه وعدّه اصغيــر
الحــب مـن نبــع الوفـــا دوم يسمــي =أحساس وأخلاص ومودّه وتقدير
والحمد لله عارفٍ ويـــش قسمـــي =حيــــاة عـــز ولا حيــــاة المخاسير
وبكره أذا نــادوا مــع النـــاس بأسمي = قولي عسى الله يذكر الأسم بالخير