أنت (الوحيد) الذي بالقلـب منزالـك=متربعٍ فيه من عرضـه ليـا طولـه
من دون (تصريح) مخراجك ومدخالك=تآمر وتنهى مدامك صرت مسئولـه
يانور عيني ربيـع القلـب مدهالـك=أسقه بدمع (الغلا) لايموت محصوله
إنعش عروق (الغلا) في مد (فنجالك)=يازين(هيل الغلا) ويازيـن معمولـه
أقدع بشوفك وأبـل الريـق بزلالـك=وأصوم وأفطر بنظرت عين مكحولـه
وأنام وأصحى على (دقّات جوالـك)=وأفرح بشوفة (رساله) منك مرسوله
وأعيش (لحظة حزن) لاغبت برسالك=(أسيرحبك) حياتـه فيـك مشغولـه
مرّه أشوفك معـي وأمـرار بلحالـك=مدري (قتلت الغلا) وإلاأنت مقتولـه
أن كان جرحي يا نور العين يحلالـك=أجرح فديتك حياتـي فيـك مكفولـه
جرحي بيدينك وطب الجرح بوصالك=لاصار مابه جروح (الحب)وش هوله
ياما وياما نثرت الدمـع فـى جالـك=وياما وطيت الخطر ودروب مجهوله
وياما سهرت الليالي ناطـر أقبالـك=أناظر نجـوم ليـلٍ فـوق محمولـه
أجر(لحـن القوافـى) وأذكرأحوالـك=يوم أن (خالد) تفز أن قيل ذا زولـه
يوم(الغلا) صافيٍ وأسمي على بالـك=ماطعت بي كل هرجه فيـك منقولـه
مخلص بحبك ماتسمع هرج عذالـك=كل البشر منك يا(المحبوب) مذهولـه
أرحم رحمك الذي يشهد على أقوالك=من قبل(خالد) يضيق الكون من حوله
قلب العنا يشتكـي يازيـن زلزالـك=يشكى لك الحال بالله عجّـل حلولـه
وأرجع لقلـبٍ مشيّـد فيـه تمثالـك=الوصل بين الحبايب (سحر) مفعولـه