لو بدعت أجمل بيوت الشعر يا (كويت) الأبيّه=ماعطيتك حقـك الوافـي ولـو مثقـال ذرّه
لأنـك الأم الحنـون ولأنـك الـدار الوفيّـه=يعني بالخـط العريـض الحـب لـك لله درّه
شاعرك لامن تغنى بـك طواريقـه صخيّـه=شاعرن يحبك ابيوتـه دام مسباحـه يفـرّه
واردٍ عـد الجزالـه مـاورد عـد الرديّـه=ما يصدّر غير في ابيـوتٍ جزيـلاتٍ تسـرّه
كان في المسحوب وهلالي وشلّـه سامريّـه=والهجيني كـل ماراقـت هواجيسـه يجـرّه
يعنى فارس للقصايـد يحتميهـا بكـل هيّـه=يوم بعض الناس جلباب القصيـده مايـزرّه
ياكويـت العـز حنـا لـك دروع ومدفعيّـه=دام نور الشمس يسطع والليالـي مستمـره
نعشقك.. لا والله أكثر روحنا لأجلـك هديّـه=نارد أحياض المنيّه لأجـل تبقـي مستقـرّه
يشهد التاريخ للشعب الوفـي لـك بالحميّـه=شعب وافي ومترابـط حبـك بقلبـه مقـرّه
والدليل لحبنـا وأخلاصنـا لـك يـا العليّـه=ثابتٍِ في فعل جار الشر يـوم أبليـس غـرّه
في سنة تسعين (حزب البعث) كسّاب الخطيّه=مالقى وسط (الكويت)أنسان في غزوه يقـرّه
شاب راسه مالقى (كويتي) عميلٍ لـه هنيّـه=أندحر مهـزوم ثوبـه مـن فعايلنـا يطـرّه
لأن شعبـك ياوطنّـا دايـم عزومـه قويّـه=ما يتنازل عن حدودك شبر من بحره و بـرّه
يعني مابه طـب فينـا حبنـا مافيـه زيّـه=حبنا (لآل الصباح) وللوطن معـروف سـرّه
شعب واحد ومتلاحـم لاشتـات وعنصريّـه=تحت رايات ( الصباح) اللي لهم بالطيب جرّه
هم شيوخ المجد والهيبه وهم ستـر البنيّـه=من نوى بالشـر للديـره يردونـه بشـرّه
معلنين البيعـه الكبـرى لحمّـاي السريّـه=شيخنا شيخ الشيوخ اللي رقا فوق المجـرّه
ذاك (بو ناصر) عريب الجد نسل الصيرميّـه=لابـةٍ وقـت الملاقـا مـن تعداهـا تكـرّه
هو حبيب الشعب كله جعلهـا أيامـه هنيّـه=التواضع من صفاته والكـرم بيديـه صـرّه
وللسياسه تاج والحكمـه تناصفـه العطيّـه=قايدٍ واعـي محنـك والجهـل ماظـن مـرّه
عـز داره ليـن وصلهـا حـدود العالميّـه=واصبحت من فعل يمناه الكريمه صـدق درّه
وشيخنا (نواف) نعـم الشيـخ راع الاوليّـه=طيب واخلاق ومبـادئ دايـمٍ شعبـه يبـره
هو ولي العهد كفـوٍ للحكـم زبـن الونيّـه=فارقٍ جيله بطيبـه صـار للطـالات غـرّه
يالله انك تحفظ شيوخ الوطن من كـل سيـه=هم ذرانا في مقابيـل الزمـن بـرده وحـرّه
يا (كويت) اليوم عيدك والفرح نـورّ بضيّـه=ألبسي ثوب السعاده جعل ماتشوفـي مضـرّه
عيد (حريّه) و (تحريرٍ) و (بيعـه) أحمديّـه=للأمير الوالـد القايـد وتعلـن ألـف مـره
يا (كويت) الله يعزك.. يحفظـك رب البريّـه=وكل عام نشوف عيدك خير وأيامك مسـرّه