ماني على كيفك تزعّلنـي وترضينـي كـذا=مانيب عبدٍ لك ولانى مـن خلايـف والديـك
أبيع حبّـك لـو يزيـد الهـم وأذوق الأذى=لأني عزيز النفس مرضى أكون لعبه فى يديك
قلبي عطاك الحب والأشواق لاكن وش خذا؟=غير الأسى والحزن والحرمان ودموعٍ عليـك
زرعت لك ورد الغلا ويفوح لك زهـره شـذا=وزرعت لي شوك الخيانه فى طريقي لعنبيك
كنت أحسبك للروح يا خاين وثايقهـا غـذا=وأثرك دمار الروح ماترحم خفوقٍ يرتجيـك
أنا أشهد أنك لعبةٍ مـع ذاك يـا ظالـم وذا=سلعه تباع وتشترى والله بظلمـك مبتليـك
وتبغاني أرجعلك مثل ما كنـت لا والله عـذا=أموت ما فكّرت لو لحظه يابو وجهين فيـك
أبعد بعيـد ارجـوك لاتطـري محبتنـا وإذا=طيفي طرالك في حلاة النوم قلـه مـا أبيـك