لو يطول الوقت وتدور السنيـن=ولو تغيب الشمس ويغيب القمـر
ولو يموت الشوق بين العاشقين=وتذبل الأزهار وغصون الشجـر
مانسيتك لو دقيقة يـا (حنيـن)=ولاطرى أبعد عن أنفاسك شبـر
كيف ببعد وأنت سيـد العارفيـن=لو تفارق قلت روحـي والقبـر
ماأحتمل فرقاك يا(الترف الحسين)=لا حشـا لله مافيـنـي صـبـر
أنت تدري أنـك الحـب الثميـن=وأنك أجمل ماعشقت من البشـر
تدرى أنك لـى دواء والله معيـن=وتدرى أنك فرحـة أيـام العمـر
عشت معك أحلى ليال المغرميـن=عطف وأحساس وشعورٍ بك كبر
كنّى أملك معك كـل العالميـن..!=لو تقول البحر لاقطع لـك بحـر
بس تشّر بأصبعك جيتك بحيـن=عاشقك يأتيك في لمحـة بصـر
والله أنك مدهل الجـرح الدفيـن=والله أنك نظـم فكـري للشعـر
كل بيتٍ لا ذكـر وصفـك يزيـن=القصايـد فـيـك منبعـهـا درر
ويش أوصف فيك لو مافيك شين=زينك الخّـلاب مصـدر للخطـر
(البداوه) فى طرف عينـك تبيـن=و(الحضاره) فى طبوعك تزدهـر
كل حرفٍ تنطقه صوتـه رنيـن=(سمفونيه) صوتك الراقي سحـر
(الحروف الأبجديـه) لـك تليـن=كنّها ترقص على (صوت الوتـر)
ذوق وأسلوب وثقافـة دارسيـن=الجهل ماظن مـرّك لـو شهـر
و(العيون السود) فيهـا طلقتيـن=تقتل الأبـدان والقلـب الخضـر
البـلا كـل البـلا بالناظـريـن=(سحر بابل) في هدبهـا لا نظـر
والقمر كنّه بـدى (بالوجنتيـن)=(صافي الخدين) يزهـاه الزهـر
ملمسه ناعم يداعب رمش عيـن=أبيضٍ ناعم بياضـه بـه حمـر
و(الشفايف) طعمها سكر وتيـن=(سلسبيلٍ) يروي العاشـق دهـر
الغـلا ويّـاك ودانـي أل ويـن=فوق (نجم سهيل) حبك بي ظهر
من غلاك أشوف كل العاذليـن..!=لاذكرت أسمك يزيد أبهـا الكـدر
لأن أنا ويّـاك دايـم مخلصيـن=الغـلا بينـي وبينـك منتـشـر
لايجي يومٍ أحـس أنـك حزيـن=أو تهل العين (عبـرات القهـر)
أذكرأن (خالد) لك السد الحصيـن=(فارس أحلامك) حياته لك نـذر
فدوتلّك روح (خالد) يـا رزيـن=فدوتلّـك بـس آمرنـي أمــر
(مستحيل أنساك) ذا عهدٍ وديـن=ومستحيل أحبك غيـرك ياقمـر
دام حبل الوصل ياخلـي متيـن=ما ألتفت بأهل الحكى وأهل القشر