ليت (السفـر) بيـن المحبيـن ممنـوع =تحجز(جـوازات) المحبيـن بالـذات..!!
حتيش لـوأن (السفـر) حـق مشـروع =المشكله.. لأهل الهوى حزن وآهات
لاغاب (خلّك) والرجاء فيـه مقطـوع =لابـه (رسايـل) توصـلـك وأتـصـالات
الخـط مغلق...كنّه(الكـرت) مـنـزوع =من ضيقتك تلعن جميـع أشتراكـات
تضرب على الكفّين والقلب مفجـوع= تضيق بـك عقبـه جميـع المساحـات
في ليل دامـس ضايـعٍ مابـه شمـوع =(الفكر) تايـه فـي دروب المتاهـات
(العين) تذرف بالدقايق لـه أدمـوع =و(القلب) عايش بين حسـره وونـات
ولوّك تجـر الصـوت ماهـوب مسمـوع=ياطـول مـا بينـك وبينـه مسـافـات
يمكن ظروفه مامشت له على طـوع =ويمكن سـلا فكـره بروحـه وجيّـات
سايح بدار(الغـرب) والأجـر مدفـوع =يسـرح ويمـرح بيـن سـجّـه ولــذات
الجـو صافـي بيـن خضـره وينبـوع= وأنت بسموم(القيض) مابه أجـازات
الهـم مدهالـك مـن أسبـوع لأسبـوع =لاحـل ذكـرى التـرف هلّيـت عبـرات
صار(السفر) كنّه مثل حبّة الكوع..!! =جمـع الحبايـب سابـع المستحيـلات
بس الأكيد أن (الغـلا) فيـك مـزروع=(الحـب) يبقـى بالضمايـر ولا مــات
الصـدق قلتـه والزعـل دوم مرفـوع=وقت(السفر) تبدي كثيـر المعانـات
الشاعر : خالد بن سكران