محمد السليس :
علمو خالد السكران .. يزحف وراه = جد علم ٍ خطير .. وجد علم ٍ كبير
الليالى يا ابن سكران ..حذفة حصاه = يوم فوق الشـــــــداد .. ويوم جنــب البعيــــر
خالد بن سكران :
العطاوي علامه ضايقٍ وش بلاه = كان وده يغير اليوم قبله نغير
الليالي تدور وكل ّ رجل وعطاه = فيه قسم ٍ كبير وفيه قسم ٍ صغير
محمد السليس :
السفينه مشت واقضب حبال النجاه =وانت وسط البحر والبحر غبه غزير
كم وكم شيخ قوم عقب لبس العباه = صار لاجئ سياسي عقب كان الامير
خالد بن سكران :
قودها يامحمد والبحر قيس ماه=أنت الاول معي منته سوات الأخير
من تعدا حدود الناس يلقى جزاه= كلمة الحق مثل السيف دايم شطير
محمد السليس :
هد طيرك على المعنى يدور عشاه = والليالى تدور وشرها مستطــــير
انت عينت جارك عقب خانه نماه = راح يرغى يابن سكران عقب الهدير
خالد بن سكران :
يا(محمد) نعرف الجرح وش هو دواه= مير قلي بسيط (الجرح) وإلا خطير..!!
لو تعلاّ على (المرقاب) حظه رماه = عقبها ماحصل لّه لا مقيل ومطيـر
محمد السليس :
عاون الله ابن سكران ..واسعد مساه = قبل حب الخشوم ... وبعد حوس المرير
اى لاعب تغير..لعــــبه .و مستواه = كان مازان لعبه...... قلت ياعم طيــــر
خالد بن سكران :
( العطاوي) علامه قاصرٍ في خطاه..!!= كان ثار (الفشق) موته قرب ..بالذخير
(الثرا ) فالبسيطه و(النجم) في سماه= يا (محمد) نصيحه طيعني واستخيـر
محمد السليس :
قبل احط القلم ياصاح وسط الدواه =ارخ الاسماع للموجات عبر الاثير
اى نجم يعتلى ..... جاه نجم اعتلاه = وانتبه والعود ماهوب مثل العبير
خالد بن سكران :
كل خطٍّ كتبته صاحبك قد قراه = مير أشوفك عما ساعه ..وساعه بصير ..!!!!
كل( شاعر) لك الله عارفٍ وش لغاه= و (الاداره) لها يا (ذيـب) دايم مدير
محمد السليس :
انتبه لايخش الراس كم العباه =لايوديك تفكيرك لسوء المصير
قبل انوخ شعيل الهرش فوق الحصاه = لاينش ويهش .. ولايجيني مغيـــــــر
خالد بن سكران :
ماعلينا من (المجنون) لا قال هاه = (العظم) لا أنكسر ماعندنا له جبير
(العطاوي) يبا يلعب على مابغاه= لو يسري (قوافي) طرقنا ما يشير
محمد السليس :
لو يزل الخوى والله ...مشقر عصاه = وانت وصل خبرها لين سودة عسير
من يكابد هل الردات يلحس قفاه =مات .. يا...من ....سموم الصيف والا الهجير
خالد بن سكران :
الحقايق تثبّت يا (محمد) علاه = من يحب (المعارك) لاغزا ما ينير..!!
من تعدى (الحدود) اليوم نلعن ثواه= لو يجر (القبايل) يب يعوّد كسير
محمد السليس :
قبل لا ...اثبت الحبه براس القطاه = ادحر ابليس .. وانشدلك كبير ٍ شوير
ميسمى ..كيته تبقا علا من كواه = لين يبعث وهى فوق الضلاع القصير
خالد بن سكران
أن هرجت (الحقيقه) صاحبي صك فــاه = (القمر) مايغطى دام نوره منير
والنعم بك (صميدع) والخطى مانباه = مير (صح الله السانك) وحظك وفير
وسلامتكم