احمد الخياط :
بعد مالاح براق المزون وحن رعاده= تخايل في سماها كل عينٍ ترتجي خيره
كملتم والاصابع خمس صاح العود بجهاده= انا مدري عن اللي في قفاكم يشعب بعيره
خالد بن سكران :
ليا سالت مزون (الوسم) يا الخياط بزياده = تبا تنبت فيافي نجد بخزامى ونوّيره
أظنك ماخذن قسمك وغيرك عنده أسياده= ولا أظنك وكيل الناس تامرها بتدويره
احمد الخياط :
جملكم ماعليه خلاف توّه حطوا شداده= زمان العام في ديره وحل اليوم في ديره
يعيش اللي يصيد الذيب الاسحم قبل صياده= عسى خالد يجيبه قبل تاصل له مداويره
خالد بن سكران :
جملنا مرتكي للحمل .. ضاري مابه اقياده= وله بين العرب ( بالطيب) يا المنعور كم سيره
أعرف (الذيب) من وصفه وعارف وين ميلاده= وليا مني بغيته بندقي .. تنهي مشاويره
احمد الخياط :
ترى العربان ياالسكران صداره ووراده= وابو بيرٍ زلال اصبح هماجٍ وانهدم بيره
على سلمك وابوبابين ابه طبعٍ وابه عاده= ليامن ضاق باله شب له جمره وتعميره
خالد بن سكران
ليا دارت رحاها كل رجلٍ يطلق أجياده = ومن يارد على عـدٍّ يصدّر ماحسب غيره
أبو نيّـه سليمه خابره والطيب بفؤاده = وأبو نيّـه لعينه لا بغاها شـاف تدميره
احمد الخياط :
عسى اللي جالسٍ فالبيت ما يتعب من قعاده= ليّامن قام انا اللي عارفٍ حسبت مخاسيره
وابوليلى يناظر ساعته لاطاف ميعاده= مدام ان المعزب حاضرٍ ما حصّل شعيره
خالد بن سكران :
تقوله وأنت تدرى بي همومي تسبق أعياده= ولاكن عقب هذى يحلقك شرهه وتسعيره ..!!
قسومي وافيه وأنته تبا (ريمان) مع (غاده)= تركـّد لا نبيـح أسرارك اللي كلها حيره..!!
احمد الخياط :
ربحنا وانسحبنا وانت كوعك حدرك وساده=سهم ينزل وخمس اسهم بجوٍ حام ابه طيره
انا سالم سليم الحال وخالد يقدح زناده= وراع المطرقه فاللوح ماركب مساميره
خالد بن سكران :
ربحت الهم والغربال يا (الخياط) بمراده = تذوق الحنظليله عقبها.. وتقول لي بيره
لفيت المرقب العالي بعد ما ذقت برّاده = وابو عبدالله (الخياط) غنّا مع مشاهيره
احمد الخياط :
انا خابرك مسلم مايطوفك فرض وعباده=وبكره لاذبحت الكافر ارسلي تصاويره
ترى في سوق واقف يابوناصر مالنا راده= ابو نابين يتعبنا ولا ودي بك تثيره
خالد بن سكران :
على الضلعين نب نذبح يهودي لابس أقلاده = وإذا جانى خويّه قلت ربي يالله الخيره ..
أنا خابرك عودٍ راح حلّه عايفٍ زاده = يحــب النـوم بالفيّـه ليا دارت تفاكيره
احمد الخياط :
انا لي راس مالي واشتري به جيش وعتاده= اثرك اللي يدور راس دابٍ في مجاحيره
كبير الراس ياخالد ترى ماتكسر عناده= اذا صليت من خلفك يلبي كل تكبيره
خالد بن سكران :
وأنا لي راس مالي مرتفع سهمه وترتاده = صميلٍ دايم تخضّه تبا زبده مع مضيره
ترى (الخياط) ماليبه لو أنه يزهم أجداده = مريضه وعلّته قشرا ألا ياطول تقريره
احمد الخياط :
تقوله وانت لك بندق ورميك دايم ركاده= ولكن صابتك مني ياخالد شكه وذيره
ترى صفحتك مقريه وختمي خلف الافاده= وبابٍ جاني منه الريح له صرفه وتسكيره
وسلامتكم