تدري ويش اكثر ماذبحني بفرقاك = شوف (الرسايل) في شريحة جهازي
وتدري ويش اللي ما يخليني أنساك = أنك صدوق وما أنت شخص أنتهازي
وتدري أحبك موت وأغليك وأهواك = وأكبر دليل أني عطيتك جوازي
وأعظم من اللي قلت لك جعلي افداك = أني خسرت ارجال لأجلك أعزازي
بس الأكيد أن (الغلا) ما تعداك = وأنك ملاذ الشوق بي وأرتكازي
ورغم الظروق ورغم هجرك وفرقاك = تبقى (الحبيب) اللي به القلب فازي
,,,,,,,,,,,,,,,,,,,,,,,,,,
ودي أعرف بحالتك تالي الليل = لا غاب صوت الناس والفكر سارح
وذكرت وقت (الوصل) وأجمل مواويل = يوم (الغلا) نبعه صميم الجوارح
معقول دمعك ما غشته المناديل = وفتحت لأفكار التواصل مسارح
,,,,,,,,,,,,,,,,,,,,,,,,,
جيتك بشوق وحب وأحساس عاشق = جيتك أكحل ناظري في محياك
رغم المسافه جيتك بقلب خافق = قلب ن يبي قربك ويكره مجافاك
قلب ن بناء لك في ضميره مرافق = تلعب بروضه في يسارك ويمناك
,,,,,,,,,,,,,,,,,,,,,,,,,,
دنياي من دونك متاهات وشجون = دنيا الكدر والهم دنياي دونك
أدري بعيش الوقت لا غبت مجنون = وأدري بعد مثلي بتكثر جنونك
وأدري أبسهر والعواذل ينامون = وأدري مثل ( خلك) بتسهر عيونك
,,,,,,,,,,,,,,,,,,,,,,,,,,,,,,
يا اللي عطيتك حياتي وأجمل أيامي = وأخذت منك الجفا والصد بأنواعه
أتعبتني بالصدود وزادات آلامي = و(الحزن) في غيبتك رفرف لي أشراعه
بالله يرضيك ينزف جرحي الدامي = وتشوف حالي بعد فرقاك ملتاعه
ما تدري أنك (غلاي) ومصدر إلهامي = وأن (المشاعر) تبيك وفيك منصاعه
تعال يا أغلى (الحبايب) وأنعش أحلامي = تعال وأخذ (الغلا) والسمع والطاعه