السلام عليكم ورحمه الله وبركاته
حييت ياخطٍِ لفاني ضحـى اليـوم=اهـلا وسهـلاً عـد مابـارقٍٍِ لاح
ساعة قريت الخط واتلاشت هموم=قلب العنى رفرف وحلق بلا جنـاح
سلمت لك قلبي وروحي ولا ألـوم=عيني على فرقاك لو دمعها سـاح
أتقول تذكرني..!وانا اقول معلـوم=ياراس مالي ياحلالي والأرباح
على الجفا عقب الوفا منت ملـزوم=خل الجفا وابقى معي دوم ياصـاح
اللي مضى عبره واخذنـاه تعلـوم=وش لك بماضي فات منا وقد راح
واصل جميل اليوم ياباشة الـروم=وأبعث مراسيلك عسى النفس ترتاح
شعر./ فهد محمد الميع