29-11-2009, 06:33 PM
|
رقم المشاركة : 1
|
|
(_ مـــبـــلـــي و فـــرحـــان _)
يا من تركت القلب مبلي وفرحان=فرحان لجلك مبتلي من ضنونك
الجوع خلا الذيب يطمع بالأنسان=ولا انت ذيبن طايحاتن سنونك
ابيك تفهم مقصدي دون نقصان=وانا ادري انك ضايعن من عيونك
واعرف ترى يا اخوك هالوقت خوان=واعرف ترى من خان لجلك يخونك
حابس حياتك وسط بيتك بجدران=مالك رفيقن بالرفاقه يصونك
اما يجي لك تالي الوقت انسان=يتعب على شوفك يداري شؤونك
يضيق لا شافك مكتم وزعلان=ويفرح اذا شاف الفرح في عيونك
والناس تنسى تالي الوقت خلان=ودامك نسيت الناس مايذكرونك
وترى البشر تحسن اذا شافت احسان=وبحساب صدماتك ترى يصدمونك
وازن حياتك طالبك وسط ميزان=ولا تترك الدنيا تكمل بدونك
ودامك مهمل حق صاحب وجيران=اعرف ترى بأمكانهم يهملونك
ماتدري ان الناس اشكال والوان=ولابد تفهمهم لجل يفهمونك
قافل على نفسك بغرفه وحيطان=ماتعرف اعدائك من الي يبونك
دامك تجازي كل هالناس حقران=شلون تبغاهم بعرسك يجونك
مدام ذكرك حي بالطيب يا فلان=تغانم الفرصه قبل يحقرونك
ومادمت في زهرة شبابك وفرحان=الحق على نفسك قبل يقطفونك
ومهما تعيش ازمان و ازمان وازمان=لابد من يومن يبي يدفنونك
بادل كلام الناس في طيب واحسان=مادمت شاريهم ترى يشترونك
هذي نصيحه صغتها وسط قيفان=لأثبات شين شايفه في عيونك
لاتنكر الواقع ولا تقول غلطان=ولاتنكر العالم و هم يسمعونك
انصحك تسمع مقصدي دون نقصان=وتسمع لناسن قصدهم ينفعونك
واترك كلام الناس عنك ولو زان=وانته على كيفك اذا يعجبونك
ماجيت ادور من ورى النصح اثمان=القصد عدلك من قبل يتركونك
وختامها ياذيب بالطيب برهان=اني وما فيني ترى يعشقونك
وســـــــلامــــتـــكـــم
التوقيع - فهد بن دواس |
من حبكم قلبي ترى وسطه احباط=كنه مكينة حب تصرف و تخلط
تعبت اسامح بك واصلح لك اغلاط=و المشكله ترجع بعدها وتغلط
|
|
|
|